fbpx
Þriðjudagur 26.janúar 2021
Pressan

Lygi pizzubakarans var dýrkeypt – Fyrirskipuðu umfangsmiklar sóttvarnaaðgerðir

Kristján Kristjánsson
Föstudaginn 20. nóvember 2020 07:09

Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

Á miðvikudaginn tilkynntu yfirvöld í South Australia, einu ríkja Ástralíu, að grípa þyrfti til umfangsmikilla sóttvarnaaðgerða til að koma í veg fyrir útbreiðslu kórónuveirunnar sem veldur COVID-19. Í dag tilkynntu yfirvöld síðan að ekki þyrfti að ganga jafn langt og tilkynnt var á miðvikudaginn. Ástæðan er lygi pizzubakara eins í ríkinu.

Á miðvikudaginn var tilkynnt að fólk ætti að halda sig heima og að mörg fyrirtæki þyrftu að loka vegna mjög smitandi staðbundins faraldurs af kórónuveirunni. Í gær tilkynnti Steven Marshall, forsætisráðherra ríkisins, að pizzubakari einn hefði logið að smitrakningateymi og því hefði málið litið mun verr út en það var í raun og veru.

Maðurinn sagðist hafa komið á pizzustaðinn til að kaupa sér pizzu en í raun og veru starfaði hann þar. Yfirvöld telja að hann hafi smitast á mjög stuttu tímabili þrátt fyrir að hann hafi starfað á mörgum vöktum með smituðum starfsmanni, smittímabilið hafi verið stutt. Vegna lyga mannsins héldu yfirvöld að þessi veirustofn væri mjög smitandi.

„Það væri vægt til orða tekið að segja að ég sé öskureiður út af því sem þessi aðili gerði,“ sagði Marshall á fréttamannafundi í dag. „Það sem þessi einstaklingur gerði hefur sett ríkið okkar í mjög erfiða stöðu,“ sagði hann.

Á miðvikudag var tilkynnt um sex daga langa lokun samfélagsins í ríkinu til að hægt væri að ná tökum á faraldri mjög smitandi afbrigðis veirunnar en þá höfðu 22 smit verið staðfest. Aðfaranótt fimmtudags lokuðu því skólar, barir, kaffihús og háskólar. Þá var öll starfsemi í byggingariðnaði stöðvuð.

Marshall sagði að þrátt fyrir að yfirvöld hafi enn áhyggjur af þessum faraldri þá verði lokanirnar styttar til muna og gilda nú aðeins til miðnættis á laugardaginn og þá má fólk fara að heima og flest fyrirtæki mega hefja starfsemi á nýjan leik.

Umræddur faraldur í ríkin er rakinn til manns sem kom frá Bretlandi. Reiknað er með að staðfestum smitum fjölgi á næstu dögum en yfirvöld hafa ekki nærri því eins miklar áhyggjur af þessum faraldri og í upphafi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Kínverjar byggja sóttkvíarmiðstöð fyrir 4.000 manns

Kínverjar byggja sóttkvíarmiðstöð fyrir 4.000 manns
Pressan
Fyrir 2 dögum

Henti óvart hörðum diski með Bitcoin að verðmæti um 273 milljóna dollara

Henti óvart hörðum diski með Bitcoin að verðmæti um 273 milljóna dollara
Pressan
Fyrir 2 dögum

Vísindamenn segja að skordýr heimsins séu í bráðri hættu

Vísindamenn segja að skordýr heimsins séu í bráðri hættu
Pressan
Fyrir 3 dögum

Skuggalegt mál í Þýskalandi – Lögreglan ber kennsl á lík

Skuggalegt mál í Þýskalandi – Lögreglan ber kennsl á lík
Pressan
Fyrir 3 dögum

Lélegur ræningi – Ránsfengurinn var 70 krónur og tvær servíettur

Lélegur ræningi – Ránsfengurinn var 70 krónur og tvær servíettur
Pressan
Fyrir 3 dögum

Líklegt að Kamala Harris verði að lifa með hótunum á áður óþekktu stigi

Líklegt að Kamala Harris verði að lifa með hótunum á áður óþekktu stigi
Pressan
Fyrir 4 dögum

Eldri hjón í fjárhagslegri gíslingu eftir að byggingaverktakinn sveik þau – Glímir við kvíða og þunglyndi og missti vinnuna

Eldri hjón í fjárhagslegri gíslingu eftir að byggingaverktakinn sveik þau – Glímir við kvíða og þunglyndi og missti vinnuna
Pressan
Fyrir 4 dögum

Virgin Orbit komst út í geim á sunnudaginn

Virgin Orbit komst út í geim á sunnudaginn