fbpx
Laugardagur 05.desember 2020
Pressan

Hollenska lögreglan vill að fólk hætti að leita að barnaníðingum á netinu

Kristján Kristjánsson
Þriðjudaginn 17. nóvember 2020 21:00

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Hollenska lögreglan hvetur almenning til að hætta að leita að barnaníðingum á netinu. Þetta gerist eftir að 73 ára maður var laminn af hópi unglinga í lok október í Arnhem. Hann lést síðar á sjúkrahúsi af völdum áverka sem hann hlaut í árásinni.

BBC segir að maðurinn hafi verið ginntur í gildru eftir að hafa verið inni á spjallsíðu fyrir samkynhneigða. Þar voru unglingarnir í sambandi við hann og sömdu um að hitta hann gegn því að hann fengi að stunda kynlíf með ungmenni.

Lögreglan handtók sjö unglinga í tengslum við málið. Sex þeirra eru yngri en 18 ára. Tveir eru enn í haldi. Samkvæmt fréttum þá ákváðu unglingarnir að „leita að barnaníðingi á netinu“ eftir að hafa lesið um svipuð mál annars staðar í Hollandi.

Jamil Roethof, verjandi eins sakborninganna, segir að hugmyndin hafi fæðst vegna þess hversu unglingunum leiddist á kórónuveirutímum.

Lögreglan segir að hinn látni hafi vitað að drengurinn, sem hann var ginntur til að koma og hitta, væri undir lögaldri. BBC segir að ekkert bendi til að maðurinn hafi nokkru sinni brotið kynferðislega gegn börnum eða unglingum.

Frá því í júlí hafa um 250 mál komið upp í Hollandi sem sjálfútnefndir „barnaníðingsveiðimenn“ tengjast að sögn lögreglunnar. Oscar Dros, lögreglufulltrúi, segir að fleiri geti látist ef þessu linnir ekki og hvetur hann almenning til að láta lögregluna um að sinna þessum málum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Sónarmyndirnar sýndu óhugnaðinn í maga hans

Sónarmyndirnar sýndu óhugnaðinn í maga hans
Pressan
Í gær

Obama, Bush og Clinton bjóðast til að láta bólusetja sig opinberlega – Vilja sýna að bóluefnið er öruggt

Obama, Bush og Clinton bjóðast til að láta bólusetja sig opinberlega – Vilja sýna að bóluefnið er öruggt
Pressan
Fyrir 2 dögum

Draga 13 til ábyrgðar fyrir banvæna ferð til eldfjallaeyju

Draga 13 til ábyrgðar fyrir banvæna ferð til eldfjallaeyju
Pressan
Fyrir 2 dögum

Þýskur gjörgæslulæknir – „Við erum á mörkum þess gerlega“

Þýskur gjörgæslulæknir – „Við erum á mörkum þess gerlega“
Pressan
Fyrir 3 dögum

Hryllingur í Þýskalandi í dag – Ungbarn á meðal hinna látnu eftir að miðaldra maður ók inn í göngugötu

Hryllingur í Þýskalandi í dag – Ungbarn á meðal hinna látnu eftir að miðaldra maður ók inn í göngugötu
Pressan
Fyrir 3 dögum

Ók yfir fólk í göngugötu – Tveir látnir og margir slasaðir

Ók yfir fólk í göngugötu – Tveir látnir og margir slasaðir