fbpx
Miðvikudagur 05.október 2022
Pressan

Fljúga drónum yfir eldfjöll til að geta spáð fyrir um gos

Kristján Kristjánsson
Sunnudaginn 8. nóvember 2020 18:00

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Eldfjöll geta gosið skyndilega og það getur reynst hættulegt, bæði mönnum, dýrum og eignum fólks. Margar aðferðir eru notaðar til að vakta eldfjöll, til dæmis GPS-mælingar, einnig er fylgst með jarðskjálftum og lofttegundum sem stíga upp frá eldfjöllum. En það getur verið erfitt að spá fyrir um gos. En nú hafa vísindamenn frá nokkrum löndum þróað sérstaka dróna til að nota til að spá fyrir um eldgos.

Drónunum er flogið yfir eldfjöll þar sem þeir taka sýni úr andrúmsloftinu sem er síðan hægt að rannsaka og mæla hversu mikið er af einstökum lofttegundum í því. Þessi tækni er þó ekki ein og sér nægilega góð til að hægt sé að segja til um yfirvofandi eldgos en hún er mikilvægur þáttur í þróun aðferða til að spá fyrir um gos. Danska ríkisútvarpið skýrir frá þessu.

Fram kemur að vísindamennirnir hafi prófað drónana yfir Manam eldfjallinu í Papúa Nýju-Gíneu en þetta er eitt virkasta eldfjall landsins.

Drónunum var flogið upp í tveggja kílómetra hæð og inn í gasský frá eldfjallinu. Þar söfnuðu þeir sýnum sem innihéldu aðallega CO2 (koltvíildi) og SO2 (brennisteinstvíildi). Þessar lofttegundir eru aðallofttegundirnar sem koma frá eldfjöllum og þær er hægt að nota til að fá vísbendingu um yfirvofandi eldgos. Ef magn koltvíildis er mikið miðað við magn brennisteinstvíildis getur það verið vísbending um yfirvofandi eldgos.

Einnig er hægt að nota þessar mælingar til fá vitneskju um hversu mikið CO2 eldfjöll losa út í andrúmsloftið.

Niðurstöður rannsóknar vísindamannanna hafa verið birtar í vísindaritinu Science Advances.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

„Ódýr“ jólagjöf foreldranna til barnanna sló svo sannarlega í gegn

„Ódýr“ jólagjöf foreldranna til barnanna sló svo sannarlega í gegn
Pressan
Fyrir 2 dögum

Bragðið af grænkáli fær ófædd börn til að gretta sig

Bragðið af grænkáli fær ófædd börn til að gretta sig
Pressan
Fyrir 3 dögum

Ný norræn rannsókn – Umhverfið hefur meiri áhrif en erfðir hvað varðar ristilkrabbamein

Ný norræn rannsókn – Umhverfið hefur meiri áhrif en erfðir hvað varðar ristilkrabbamein
Pressan
Fyrir 3 dögum

Telja að það séu 2,5 milljónir maura á hvern einasta jarðarbúa

Telja að það séu 2,5 milljónir maura á hvern einasta jarðarbúa
Pressan
Fyrir 4 dögum

Telja sig hafa fundið líkamsleifar drengsins 58 árum eftir morðið

Telja sig hafa fundið líkamsleifar drengsins 58 árum eftir morðið
Pressan
Fyrir 5 dögum

Særðust í skotárás í Svíþjóð

Særðust í skotárás í Svíþjóð