fbpx
Föstudagur 15.október 2021
Pressan

Ætluðu að ræna ríkisstjóra Michigan – Sex öfgasinnar handteknir

Kristján Kristjánsson
Föstudaginn 9. október 2020 04:45

Gretchen Whitmer. Mynd: EPA-EFE/RENA LAVERTY

Ekki missa af Helstu tíðindum dagsins í pósthólfið þitt

Lesa nánar

Bandaríska alríkislögreglan FBI handtók á miðvikudaginn sex öfgasinna sem eru grunaðir um að hafa ætlað að ræna Gretchen Whitmer, ríkisstjóra Michigan, og fremja valdarán í ríkinu. Einn hinna handteknu er sagður hafa viljað rétta yfir Whitmer vegna meintra landráða hennar. Mennirnir höfðu skipulagt aðgerðina mánuðum saman og æft hana.

Sky News skýrir frá þessu. Fram kemur að í dómsskjölum komi fram að mennirnir hafi skipulagt verkið mánuðum saman, þeir hafi ráðfært sig við og æft með öðrum öfgasinnum í ágúst og september.

Whitmer þakkaði lögreglunni fyrir að hafa komið upp um áætlunina og handtekið sexmenningana sem hún sagði „veika og siðspillta“. Hún sagði einnig að „hatur, ofstæki og ofbeldi eigi ekki heima í Michigan“. Hún varpaði einnig sökinni að hluta á Donald Trump, forseta, og sagði að hann hafi ekki viljað fordæma hvíta þjóðernissinna í kappræðunum við Joe Biden í síðustu viku og hafi sagt Proud Boys samtökunum að „vera reiðubúnir“. Þetta hafi sín áhrif:

„Haturshópar heyrðu orð forsetans, ekki sem ávítur heldur sem heróp, ákall um aðgerðir. Þegar leiðtogar okkar tala, vega orð þeirra þung. Þeir bera ábyrgð.“

Í yfirlýsingu frá Hvíta húsinu var þessum orðum Whitmer vísað á bug og því haldið fram að Trump hafi alltaf fordæmt hvíta þjóðernissinna og öll form haturs.

Sexmenningarnir eiga allt að lífstíðarfangelsi yfir höfði sér ef þeir verða fundir sekir.

Whitmer hefur hlotið mikið lof en einnig mikla gagnrýni fyrir aðgerðir sínar vegna heimsfaraldurs kórónuveirunnar. Donald Trump er meðal þeirra sem hafa gagnrýnt hana en hún greip til harðra aðgerða til að hefta útbreiðslu veirunnar með tilheyrandi áhrifum á daglegt líf fólks og efnahagslífið.

Í þeim skjölum, sem hafa verið lögð fyrir dóm, kemur ekkert fram um að sexmenningarnir hafi verið undir áhrifum frá Trump varðandi fyrirætlanir sínar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Enn vex spennan við Taívan – Kínverjar æfa landgöngu og bandarískir hermenn á Taívan

Enn vex spennan við Taívan – Kínverjar æfa landgöngu og bandarískir hermenn á Taívan
Pressan
Í gær

Frakkar krefja Breta um greiðslu fyrir að stöðva ferðir förufólks yfir Ermarsund

Frakkar krefja Breta um greiðslu fyrir að stöðva ferðir förufólks yfir Ermarsund
Pressan
Fyrir 2 dögum

Þetta er samsæriskenningin sem tröllríður heimi samsæriskenningasmiða í dag – Gjörbreyttur heimur 2030

Þetta er samsæriskenningin sem tröllríður heimi samsæriskenningasmiða í dag – Gjörbreyttur heimur 2030
Pressan
Fyrir 2 dögum

Nancy Pelosi dregin úr kaþólskri messu í Róm af öryggisvörðum vegna bóluefnamótmæla

Nancy Pelosi dregin úr kaþólskri messu í Róm af öryggisvörðum vegna bóluefnamótmæla
Pressan
Fyrir 3 dögum

Skotinn til bana á fyrstu vakt sinni

Skotinn til bana á fyrstu vakt sinni
Pressan
Fyrir 3 dögum

Segja að Rússar hafi stolið uppskriftinni að bóluefni AstraZeneca gegn kórónuveirunni

Segja að Rússar hafi stolið uppskriftinni að bóluefni AstraZeneca gegn kórónuveirunni