Föstudagur 26.febrúar 2021
FréttirPressan

„Hún settist niður og síðan byrjuðu þau að níðast á mér“

Kristján Kristjánsson
Miðvikudaginn 8. júlí 2020 05:40

Ghislaine Maxwell. Mynd:Wikimedia

Ekki missa af Helstu tíðindum dagsins í pósthólfið þitt

Lesa nánar

Ghislaine Maxwell, 58 ára Breti, er nú í gæsluvarðhaldi í New York. Hún var handtekin í Bradford í New Hampshire í síðustu viku af bandarísku alríkislögreglunni FBI. Hún er grunuð um aðild að barnaníði Jeffrey Epstein en þau voru lengi vel par. Maxwell hafði verið í felum í eitt ár en hún fór í felur þegar Epstein var handtekinn síðasta sumar. Epstein framdi sjálfsvíg skömmu áður en réttarhöld yfir honum áttu að hefjast. Hann var ákærður fyrir barnaníð og að hafa selt barnungar stúlkur í vændi.

Maxwell, sem var eitt sinn unnusta hans, er af mörgum sögð hafa verið hægri hönd Epstein. Margar konur hafa stigið fram og skýrt frá hvernig þær lentu í klóm Epstein. Sumar þeirra segja að Maxwell hafi komið þar við sögu.

Jeffrey Epstein.

Maria Farmer kom fram í áströlsku útgáfu „60 Minutes“ á sunnudaginn auk fleiri fórnarlamba Maxwell og Epstein. Farmer sagði þar að hún hafi margoft séð þegar Maxwell lokkaði ungar stúlkur til Epstein.

„Margoft, þegar ég var í bílnum með henni, bað hún bílstjórann um að stoppa. Hún gekk að skólanum, almenningsgarðinum eða hvað það nú var, skrifaði símanúmerið sitt og rétti barni, ungri stúlku,“ sagði Farmer sem sagðist síðar hafa séð þessar sömu stúlkur í íbúð Epstein.

Farmer lýsti því einnig hvernig Maxwell hefði sjálf farið með hana inn í herbergi Epstein.

„Hann lá þar og sagði: „Hérna, sestu niður.“ Alveg við hlið hans. Síðan settist Ghislaine hinum megin og þau byrjuðu að níðast á mér. Það eina sem ég hugsaði um allan tímann þegar ég lá þarna var að systir mín hefði verið með þessu fólki. Systir mín var bara 16 ára. Hún hafði verið alein með þeim.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

NASA birtir nýjar myndir frá Mars – „Þetta er svo sannarlega yfirborð framandi heims“

NASA birtir nýjar myndir frá Mars – „Þetta er svo sannarlega yfirborð framandi heims“
Pressan
Fyrir 2 dögum

Sex handteknir í Kína fyrir að „móðga“ hermenn sem féllu í átökum

Sex handteknir í Kína fyrir að „móðga“ hermenn sem féllu í átökum
Pressan
Fyrir 3 dögum

Trump er ekki búinn að gefast upp – Hyggur á hefndir gagnvart samflokksfólki sínu

Trump er ekki búinn að gefast upp – Hyggur á hefndir gagnvart samflokksfólki sínu
Pressan
Fyrir 3 dögum

Nota ótrúlegustu aðferðir til að reyna að svindla sér fram fyrir í bólusetningaröðinni

Nota ótrúlegustu aðferðir til að reyna að svindla sér fram fyrir í bólusetningaröðinni
Pressan
Fyrir 4 dögum

Danskir bræður sköpuðu usla á Grænlandi – Handteknir og eiga háa sekt yfir höfði sér

Danskir bræður sköpuðu usla á Grænlandi – Handteknir og eiga háa sekt yfir höfði sér
Pressan
Fyrir 4 dögum

Neytendur í Texas sleppa við að greiða himinháa rafmagnsreikninga – Í bili

Neytendur í Texas sleppa við að greiða himinháa rafmagnsreikninga – Í bili