Þetta sagði Mark Clark, sem býr í South Rockwood í Michigan í Bandaríkjunum, eftir að hann vann 4 milljónir dollara á skafmiða í maí. 4 milljónir dollara svara til um 555 milljóna íslenskra króna.
„Það er erfitt að lýsa nákvæmlega hvernig mér líður.“
Sagði þessi fimmtugi vinningshafi sem var ekki að vinna stóra vinninginn í fyrsta sinn. Fyrir þremur árum var hann að flytja eldsneyti til bensínstöðvar í Hudson í Michigan. Þar keypti hann skafmiða og fékk vinning, 4 milljónir dollara.
Hann ók síðan eldsneytisflutningabílnum aftur í höfuðstöðvarnar, fór heim og sagði foreldrum sínum fréttirnar. Skömmu síðar hætti hann að vinna.
Nú, þremur árum síðar, keypti hann sér aftur skafmiða og vann aftur 4 milljónir dollara. CNN skýrir frá.
Clark hyggst halda áfram að taka því rólega og njóta þess að vera hættur að vinna. Hann segist lifa kyrrlátu lífi og fari mikið að veiða.
