Hann á ekki möguleika á reynslulausn fyrr en eftir 25 ár og því verða að teljast litlar líkur á að hann losni nokkru sinni úr fangelsi.
David Lovell, sem dæmdi málið, sagði að Peter hafi haft tvær ástæður fyrir morðinu. Hann hafi ekki elskað Helen og hann hafi haft í hyggju að stofna til kynlífssambands við aðra konu sem býr í Kína. Hann hafði keypt sér flugmiða til Kína en áður en hann komst af stað gerði lögreglan húsleit heima hjá honum. Við hana fannst ferðataska full af smokkum, stinningarlyfinu Viagra, kynlífsleikföngum og æsandi undirfatnaði.
„Þetta var kaldrifjað morð á manneskju sem gerði þau mistök ein að trúa á þig.“
Sagði Lovell sem sagði einnig að morðið hafi verið skipulagt.
Saksóknari sagði fyrir dómi að Peter hafi myrt Helen því hún hafi verið honum fjárhagsleg byrði. Hún var menntaður örverufræðingur. Hún fékk hjartaáfall á tíunda áratugnum og þurfti að nota hjólastól eftir það.