The Guardian skýrir frá þessu. Í tilkynningu sem CIRA sendi fréttamiðli í Belfast kom fram að ætlunin hafi verið að sprengjan skyldi springa daginn fyrir Brexit.
Flutningabíllinn átti að fara með ferju til Skotlands þremur dögum fyrir Brexit. Hann átti síðan að fara til Englands þar sem sprengjan átti að springa. Ekki hefur komið fram hvar bíllinn átti að vera þegar hún myndi springa.
Í tilkynningu CIRA kom einnig fram að markmiðið með sprengjunni hafi verið að beina athyglinni að Brexit og pólitískum samningi um tollalandamæri í Írlandshafi.
CIRA líta á sig sem vopnaða hreyfingu sem berst fyrir írsku lýðveldi og þar með sameiningu Norður-Írlands og Írlands. Samtökin viðurkenna ekki vopnahléið frá 1998 og hafa haldið baráttunni áfram. Bresk stjórnvöld líta á samtökin sem hryðjuverkasamtök.