Bloomberg skýrir frá þessu. Fram kemur að fjárfestar hafi nú kastað sér yfir fyrirtækið og kaupi hlutabréf í því í gríð og erg. Það gera þeir í þeirri von að fjölskylda Sin Kyuk-ho missi yfirráðin yfir fyrirtækinu en það myndi opna á að umbætur verði gerðar í því en fyrirtækið þykir mjög leyndardómsfullt.
Fyrirtækið kemur víða við sögu í viðskiptalífinu, það er tengt smásölu, kvikmyndahúsum, hótelum, skemmtigörðum, efnaverksmiðjum, raftækjaframleiðslu og byggingaiðnaðinum. Það er í eigu Shin-fjölskyldunnar sem er ein voldugasta fjölskylda landsins.
Fyrirtækið, eða öllu heldur fyrirtækjanetið, er byggt upp á mörgum minni fyrirtækjum og eignarhaldið er þvers og kruss. Því er erfitt að segja til um verðmæti móðurfyrirtækisins. Einnig er ekki ljóst hver á og stýrir einstökum fyrirtækjum innan samsteypunnar.
Sin Kyuk-ho eignaðist fjögur börn með þremur konum og það hefur ákveðin vandamál í för með sér. Synirnir tveir talast ekki við og hafa áður barist harkalega um valdastöðu í fyrirtækinu. Þá sigraði sá yngri. En fyrir þremur árum var hann, ásamt föður sínum, dæmdur fyrir fjárdrátt.
Sérfræðingar á fjármálamarkaði bíða nú spenntir eftir hvaða tromp kunna að leynast í ermunum hjá sonunum tveimur og hvernig þeir munu reyna að öðlast yfirráð yfir fyrirtækinu.