Bandarísk kona er í miklum vandræðum á Filippseyjum eftir að tollverðir opnuðu handtösku hennar á alþjóðaflugvelli þar í landi. Óhætt er að segja að þeir hafi ekki trúað eigin augum þegar þeir sáu hvað konan hafði falið í töskunni.

Það var kornabarn sem hún ætlaði að smygla úr landi. Eins og gefur að skilja var konan handtekin og er nú í haldi. CNN skýrir frá þessu.

Talsmaður innflytjendayfirvalda sagði að barnið hafi verið sex daga gamalt. Konan var ein á ferð. Hún sagði í fyrstu að hún væri frænka barnsins en gat ekki sannað að svo væri.

Bureau of Immigration releases photo of Jennifer Talbot, the 43-yr-old American caught in NAIA Wednesday morning hiding an infant in an oversized beltbag. pic.twitter.com/aYljCQT5UI

— Mike Navallo (@mikenavallo) September 4, 2019