ABC News skýrir frá þessu. Það var fugl af tegund sem kallast Australian magpie sem réðst á manninn. Þetta er tegund stórra spörfugla. Maðurinn reyndi að sleppa frá fuglinum og hjólaði þá út af veginum og lenti á girðingu og kastaðist af hjólinu. Hann var strax fluttur á sjúkrahús en hann hafði hlotið alvarlega höfuðáverka.
Fuglar af þessari tegund eru ansi árásargjarnir á mökunar- og hreiðurgerðartímanum og eiga það oft til að ráðast á fólk. Þeir eru þá að verja yfirráðasvæði sitt, egg eða unga.
Maðurinn var að hjóla nærri almenningsgarði þar sem fólk hefur margoft kvartað yfir sérstaklega árásargjörnum fugli.