Lífið getur stundum verði ótrúleg, alveg ótrúlega ótrúlegt. Lánið virðist leika við suma en aðrir eru ekki eins heppnir. 1999 leit ekki vel út fyrir Bill Morgan frá Ástralíu. Þetta var erfitt ár svo ekki sé meira sagt. Fyrst lenti hann í bílslysi, fékk síðan hjartaáfall og til að toppa allt saman fékk hann svo heiftarleg ofnæmisviðbrögð að hann lá í dái í 12 daga. En síðan snerist lukkan á sveif með honum og það heldur betur.

Eftir að hann vaknaði úr dái breyttist allt til hins betra. Bill ákvað að kaupa sér lottómiða (skafmiða) og trúði ekki eigin augum þegar hann vann nýjan bíl. Nokkrum vikum síðar fékk sjónvarpsstöð veður af þessu láni hans og ákvað að gera frétt um hann. Á meðan verið var að taka upp í versluninni þar sem Bill keypti vinningsmiðann var hann fenginn til að kaupa annan miða til að endurskapa stundina.

Það var svo sannarlega góð fjárfesting því hann vann sem nemur um 30 milljónum íslenskra króna á þann miða. Það er kannski ekki að furða að Bill hafi átt erfitt með að trúa þessu en engu að síður var þetta staðreynd.

Í myndbandinu hér fyrir neðan er hægt að sjá augnablikið þegar hann frétti af stóra vinningnum.