Umfangsmikl sala á konum í Kúveit hefur verið afhjúpuð af BBC News. Konurnar voru auglýstar til sölu í öppum frá Google og Apple eða á Instagram, sem er í eigu Facebook. Meðal kvennanna, sem voru auglýstar, var 16 ára stúlka frá Gíneu.

Yfirvöld í Kúveit segja að eigendur margra þeirra aðganga, sem voru notaðir við söluna, hafi nú verið kærðir. Þau segja einnig að Google og Apple hafi fallist á að leggjast í vinnu til að draga úr eða stöðva auglýsingar sem þessar.

Kimberley Motley, lögmaður sem sérhæfir sig í alþjóðarétti, segir að það eigi að hafa afleiðingar fyrir höfunda appa að þau bjóði upp á möguleika til að stunda viðskipti á borð við mansal. Það sama eigi við um Google og Apple, fyrirtækin eigi að bera ábyrgð.