Maður í Pennsylvaníu-fylki, Bandaríkjunum er sagður hafa áreitt konu kynferðislega, en hún átti að vera brúðarmær í brúðkaupi hans sem fór fram tveimur dögum seinna. The Washington Post greinir frá þessu.
Daniel J. Carney var að skemmta sér ásamt unnustu sinni og vinum þann 28. september, tveimur dögum fyrir fyrirhugað brúðkaup. Eftir skemmtunina bað unnustan, Carney um að fylgja vinkonu sinni á öruggan stað, en vinkonan var ofurölvi.
Carney á hinsvegar að hafa fylgt vinkonunni inn á baðherbergi og brotið kynferðislega á henni. Hann á að hafa káfað á henni, bitið hana og afklætt hana úr nærfötum sínum.
Unnustan á þá að hafa gengið inn á Carney á meðan hann áreitti konuna.
Í kjölfarið eiga Carney og verðandi eiginkona hans að hafa lent í einskonar slagsmálum, á bílastæði fyrir utan staðinn þar sem kynferðisbrotin eiga að hafa farið fram.
Daginn eftir á Carney að hafa sent meintu fórnarlambi skilaboð og beðið hana um að taka neyðarpillu, þrátt fyrir að hann hafi fullyrt að þess væri ekki þörf.
Þrátt fyrir öll ósköpin fór brúðkaupið fram fyrsta október.
Daginn eftir brúðkaupið á fórnarlambið að hafa tilkynnt lögreglu um málið sem að rannsakar nú málið.