fbpx
Fimmtudagur 02.apríl 2020
Pressan

Vara við uppþotum og óeirðum í kjölfar Brexit

Kristján Kristjánsson
Miðvikudaginn 30. janúar 2019 17:30

Ekki missa af Helstu tíðindum dagsins í pósthólfið þitt

Lesa nánar

Háttsettir embættismenn innan Evrópusambandsins segja hættu á uppþotum og óeirðum í Bretlandi í kjölfar útgöngu Breta úr ESB í lok mars. Þeir segja að óstöðugleiki muni einkenna Bretland næstu áratugina í kjölfar útgöngunnar. Þetta kemur fram í leynilegri skýrslu ESB sem var gerð fyrir æðstu embættismenn sambandsins og breska ríkisstjórnin mun fá aðgang að.

Daily Mirror skýrir frá þessu. Fram kemur að embættismenn ESB hafi varað við uppþotum og óeirðum og segi  slíkt óhjákvæmilegt, óháð útkomunni í þeirr harðlæstu pólitísku stöðu sem nú er uppi. Í skýrslunni kemur einnig fram að líklegt megi teljast að á næstu 18 mánuðum verði efnt til þjóðaratkvæðagreiðslna í Skotlandi og á Norður-Írlandi um sjálfstæði frá Bretlandi.

Mirror hefur eftir embættismanni innan ESB að það sé mat sérfræðinga að ofbeldi sé nær óhjákvæmilegt næstu árin sama hvernig fer.

„Þeir hafa áhyggjur af að ef núverandi samningur verður samþykktur muni hægrimenn láta til sín taka. Ef enginn útgöngusamningur verður muni allir láta til sín taka. Ef það verður önnur þjóðaratkvæðagreiðsla munu hægrimenn láta til sín taka. Hægrivængur stjórnmálanna er mesta áhyggjuefnið.“

Skýrslan er byggð á upplýsingum frá leyniþjónustum aðildarríkja ESB nema hvað breska leyniþjónustan MI5 kom ekki að gerð hennar. Æðstu menn aðildarríkja sambandsins, þar á meðal Theresa May forsætisráðherra Bretlands, hafa fengið skýrsluna afhenta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Ástfangin á níræðisaldri en aðskilin vegna COVID-19 – En ástin finnur alltaf leið

Ástfangin á níræðisaldri en aðskilin vegna COVID-19 – En ástin finnur alltaf leið
Pressan
Í gær

13 ára drengur nú sá yngsti sem látið hefur lífið í Bretlandi úr COVID-19

13 ára drengur nú sá yngsti sem látið hefur lífið í Bretlandi úr COVID-19
Pressan
Fyrir 3 dögum

Heilbrigðiskerfið hefur ekki undan vegna COVID-19 – Vænta þess að sjá lík á götum úti

Heilbrigðiskerfið hefur ekki undan vegna COVID-19 – Vænta þess að sjá lík á götum úti
Pressan
Fyrir 4 dögum

„Sjúklingur núll“ fyrirlitinn og útskúfaður – Notaði fölsk nöfn – Smitaði fjölmarga

„Sjúklingur núll“ fyrirlitinn og útskúfaður – Notaði fölsk nöfn – Smitaði fjölmarga