fbpx
Mánudagur 17.janúar 2022
Pressan

Flugfarþegi gerði skelfilega uppgötvun þegar vélin var lent

Kristján Kristjánsson
Föstudaginn 18. janúar 2019 18:00

Vél frá Ryanair.

Ekki missa af Helstu tíðindum dagsins í pósthólfið þitt

Lesa nánar

Nýlega fór Pawel Lawreniuk, 75 ára Pólverji, í heimsókn til dóttur sinnar í Bradford á Englandi. Þar dvaldi hann í góðu yfirlæti um jólin. Þegar kom að heimferðinni þann 6. janúar fór hann út á flugvöll og settist upp í flugvél frá Ryanair til að komast heim til Gdansk í norðurhluta Póllands.

Þegar vélin var lent tók hann tösku sína og gekk að afgreiðsluborði í flugstöðinni og bað starfsfólkið um að panta leigubíl fyrir sig. En það runnu á hann tvær grímur þegar starfsfólkið skildi ekki pólsku sem verður að teljast ansi undarlegt þegar maður er í Póllandi.

En síðan gerði Pawel skelfilega uppgötvun. Hann var ekki í Póllandi. Af ókunnum ástæðum hafði hann farið um borð í ranga flugvél á flugvellinum í Leeds en sú vél fór til Möltu í Miðjarðarhafinu. Pawel var því í um 2.000 km fjarlægð frá Gdansk. Hann var lengra að heiman þar en þegar hann fór um borð í vélina í Leeds.

Bradford Telegraph & Argus skýrir frá þessu.

Dóttur Pawel, Lucyna Lawreniuk, brá mikið við tíðindin af áfangastað föður síns.

„Ég grét. Ég var hrædd. Hann var í ókunnugu landi. Ég skil ekki hvernig þetta gat gerst, að hann fór alla leið til Möltu.“

Hefur blaðið eftir henni.

Hún skoðaði farmiða föður síns en hann var eins og hann átti að vera, flugferð til Gdansk en ekki til Möltu.

Þjónustufyrirtækið Swissport sér um afgreiðslu flugvéla Ryanair á flugvellinum í Leeds. Talsmaður fyrirtækisins staðfesti að Pawel hafi farið í gegnum hefðbundna öryggisleit í flugstöðinni og að hann hafi verið með gilt vegabréf sem var skoðað. Nú sé verið að rannsaka hvað fór úrskeiðis og fara í gegnum allt öryggisferlið með starfsfólkinu. Hann bað Pawel jafnframt afsökunar.

Pawel komst síðan heim til Gdansk síðar um daginn. Hann lenti þar 14 klukkustundum eftir að hann lagði af stað frá Leeds.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Frakkar banna sölu á ávöxtum og grænmeti í plasti

Frakkar banna sölu á ávöxtum og grænmeti í plasti
Pressan
Í gær

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“
Pressan
Fyrir 2 dögum

Auknar njósnir erlendra ríkja í Danmörku – Kína og Rússland nefnd sérstaklega til sögunnar

Auknar njósnir erlendra ríkja í Danmörku – Kína og Rússland nefnd sérstaklega til sögunnar
Pressan
Fyrir 2 dögum

Meiri líkur á að konur deyi á skurðarborðinu ef skurðlæknirinn er karl

Meiri líkur á að konur deyi á skurðarborðinu ef skurðlæknirinn er karl
Pressan
Fyrir 4 dögum

Nauðgaði eftir Tinder-stefnumót og sendi hræðileg skilaboð til fórnarlambs

Nauðgaði eftir Tinder-stefnumót og sendi hræðileg skilaboð til fórnarlambs
Pressan
Fyrir 4 dögum

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“
Pressan
Fyrir 4 dögum

Ný rannsókn – 90% minni líkur á að látast af völdum Ómíkron en Deltaafbrigðinu

Ný rannsókn – 90% minni líkur á að látast af völdum Ómíkron en Deltaafbrigðinu
Pressan
Fyrir 4 dögum

Fór á blint stefnumót og hefur ekki komist heim í viku vegna sóttvarnaaðgerða

Fór á blint stefnumót og hefur ekki komist heim í viku vegna sóttvarnaaðgerða