National Geographic skýrir frá þessu.
Fram kemur að með þessari aðferð hafi vísindamönnunum tekist að greina smávegis litabreytingu á gashringnum þegar hann fjarlægðist eða nálgaðist jörðina. Út frá þessari litabreytingu komust vísindamennirnir að þeirri niðurstöðu að líklegast séu reikisteinar á braut í gashringnum. Reikisteinar eru litlir hlutir sem margir stjörnufræðingar telja vera byggingarefni alvöru pláneta.
Að sögn Christopher Manser, stjarneðlisfræðings við University of Warwick, er þetta áhugavert því þetta getur hugsanlega sagt okkur ýmislegt um sólkerfið okkar. Ef þessir reikisteinar líktust jörðinni eitt sinn, eins og Manser telur, þá eru framtíðarhorfur jarðarinnar allt annað en bjartar.
Þegar hvíti dvergurinn varð uppiskroppa með eldsneyti fór hann að þenjast út og gríðarlegt þyngdarafl hans eyðilagði allar plánetur í nágrenninu. Þær urðu síðan að hringjum úr föstu efni og aðeins kjarni plánetanna er eftir. Manser telur að örlög sem þessi bíði jarðarinnar eftir um fimm milljarða ára.