fbpx
Föstudagur 15.október 2021
Pressan

Lögmaður Trump viðurkennir lögbrot – Trump gaf honum fyrirmæli um að fremja lögbrot – Hvað gerir þingið?

Kristján Kristjánsson
Miðvikudaginn 22. ágúst 2018 07:57

Michael Cohen fyrrum lögmaður Donald Trump. Mynd: Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Donald Trump, forseti Bandaríkjanna, gaf lögmanni sínum, Michael Cohen, fyrirmæli um að greiða tveimur konum háar fjárhæðir til að þær myndu ekki skýra frá meintum ástarsamböndum sínum við Trump. Þetta gerðist í aðdraganda forsetakosninganna 2016. Þetta kom fram fyrir rétti í New York í gær þar sem Cohen játaði fjölda brota en hann hafði gert samning við ákæruvaldið til að fá ekki eins þunga refsingu og ella.

Cohen sagði að nokkrum vikum fyrir forsetakosningarnar hafi Trump fyrirskipað honum að greiða konunum fyrir þögn þeirra. Cohen var sagt að hylja slóð peninganna en markmiðið með greiðslunum var að koma í veg fyrir að konurnar skýrðu frá meintum ástarsamböndum sínum við Trump en það hefði getað haft mikil áhrif á úrslit forsetakosninganna ef málin hefðu komið fram í dagsljósið. Greiðslurnar stríða gegn lögum um kosningabaráttu í Bandaríkjunum.

Ef þetta er rétt sem Cohen sagði fyrir dómi þá er hægt að ákæra Trump fyrir að hafa brotið kosningalög en það geta saksóknarar ekki því þeir geta ekki ákært sitjandi forseta, það er aðeins meirihluti fulltrúadeildar Bandaríkjaþings sem getur ákært forsetann. Nú vill svo til að flokkur Trump, repúblikanaflokkurinn, er í meirihluta í deildinni og á meðan svo er verður Trump ekki ákærður.

Meirihlutinn er í hættu

En meirihluti repúblikana í fulltrúadeildinni gæti verið í hættu því kosið verður til þings í nóvember, þar á meðal um öll sætin í fulltrúadeildinni. Skoðanakannanir benda til að demókratar eigi góða möguleika á að ná meirihluta á nýjan leik í deildinni. Þá gæti staðan gjörbreyst og meirihlutinn gæti ákveðið að skoða þetta mál nánar.

Málið er mjög slæmt fyrir Trump, ekki aðeins lagalega heldur einnig pólitískt. Hvað munu kjósendur segja um þessar upplýsingar? Munu þær hafa áhrif á kosningarnar í nóvember?

Játning Cohen, sem tengist einnig ýmsum mismunandi efnahagsbrotum, þýðir ekki nauðsynlega að hann hafi samið við saksóknara um að vinna með honum að því að rannsaka mál Trump. En ef svo er þá gæti Trump verið í mjög slæmum málum. Það að Cohen hefur nú rofið þögn sína og tryggð við Trump er mikið hættumerki fyrir Trump.

Hugsanlega verður Cohen kallaður fyrir þingið til að bera vitni um mál Trump en einnig getur komið til greina að hann semji við Robert Mueller sem stýrir rannsókn á tengslum forsetaframboðs Trump við Rússa.

Cohen var lögmaður Trump um árabil og þekkir því væntanlega mörg leyndarmál hans mjög vel og því væri mikill fengur fyrir Mueller að semja við Cohen.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Einn skotinn í Helsingborg og sprenging í miðborginni

Einn skotinn í Helsingborg og sprenging í miðborginni
Pressan
Í gær

Hryllingsmínúturnar 34 í Kongsberg – Sá grunaði sagður hafa snúist til Íslamstrúar

Hryllingsmínúturnar 34 í Kongsberg – Sá grunaði sagður hafa snúist til Íslamstrúar
Pressan
Í gær

Frakkar krefja Breta um greiðslu fyrir að stöðva ferðir förufólks yfir Ermarsund

Frakkar krefja Breta um greiðslu fyrir að stöðva ferðir förufólks yfir Ermarsund
Pressan
Fyrir 2 dögum

Danskir vísindamenn gera tilraunir með nýja meðferð við COVID-19

Danskir vísindamenn gera tilraunir með nýja meðferð við COVID-19
Pressan
Fyrir 2 dögum

Nancy Pelosi dregin úr kaþólskri messu í Róm af öryggisvörðum vegna bóluefnamótmæla

Nancy Pelosi dregin úr kaþólskri messu í Róm af öryggisvörðum vegna bóluefnamótmæla
Pressan
Fyrir 2 dögum

Rúmenska heilbrigðiskerfið ræður ekki við álagið vegna fjórðu bylgju kórónuveirunnar

Rúmenska heilbrigðiskerfið ræður ekki við álagið vegna fjórðu bylgju kórónuveirunnar
Pressan
Fyrir 3 dögum

Segja að Rússar hafi stolið uppskriftinni að bóluefni AstraZeneca gegn kórónuveirunni

Segja að Rússar hafi stolið uppskriftinni að bóluefni AstraZeneca gegn kórónuveirunni
Pressan
Fyrir 3 dögum

Leita að þeim sem drápu 14 friðaðar kengúrur

Leita að þeim sem drápu 14 friðaðar kengúrur