Það gefur vatninu gott aukabragð ef sítrónusneið er sett í það og auk þess eru sítrónu hollar. Þær hjálpa líkamanum að losa sig við úrgangsefni og hafa almennt jákvæð áhrif á heilsuna. En þegar kemur að því að fá sér að drekka á veitingastöðum skaltu alveg sleppa því að fá drykk með sítrónusneið.

Það er algengt á veitingastöðum að sítrónusneiðar séu settar í drykki viðskiptavina en það er betra að biðja starfsfólkið að sleppa því. Ástæðuna er að finna í niðurstöðum rannsóknar sem var gerð 2007. Þá rannsökuðu vísindamenn 76 sítrónur á 21 veitingastað til að sjá hversu margar bakteríur væru á þeim. Niðurstaðan var ekki góð. Tæplega 70 prósent af sítrónunum voru þaktar bakteríum og veirum sem geta valdið sjúkdómum.

Vísindamennirnir tóku eftir því að margir starfsmenn á veitingastöðunum þvoðu sér aldrei um hendurnar áður en þeir handléku sítrónur. Með þessu bárust bakteríur og veirur frá þeim á sítrónurnar en þessar bakteríur og veirur hafði starfsfólkið fengið á salerninu, hurðahúnum, af öðru fólki og svo framvegis.

Það er því betra að hugsa sig um áður en sagt er já við sítrónusneið út í drykkinn.