Hummus klikkar aldrei. Hummus er góður á hrökkbrauð, brauð, vefjur og samlokur. Það er gott að dýfa grænmeti og snakki í hummus. Hummus er geggjaður í alls konar dressingar og sósur. Hummus er bara algjör snilld!
Svona geturðu gert gómsætan hummus á aðeins fimm mínútum. Uppskrift frá RealSimple.com.
Hráefni:
1 dós kjúklingabaunir
1 hvítlauksrif
60 ml ólífuolía
2 msk sítrónusafi
2 msk tahini
1 tsk kúmin
¾ tsk Salt
¼ tsk papríkuduft
Leiðbeiningar:
Settu öll hráefni í matvinnsluvél og blandaðu þar til áferðin er mjúk og kremkennd. Bættu einni til tveimur matskeiðum af vatni ef þarf.
Settu hummusinn í skál og helltu smá ólífuolíu og stráðu papríkudufti yfir áður en þú berð hann fram.
