Þeir sem borða ketó, eða er á svokölluðum lágkolvetnakúr, þurfa að baka þetta skýjabrauð. Það eru nefnilega margir sem sakna brauðsins þegar að kolvetnin hverfa úr mataræðinu og þá kemur þetta brauð eins og himnasending.
Hráefni:
3 stór egg við stofuhita
1/4 tsk cream of tartar
smá sjávarsalt
55 g mjúkur rjómaostur
Aðferð:
Hitið ofninn í 150°C og setjið smjörpappír á stóra ofnplötu. Skiljið eggin í tvær meðalstórar skálar. Bætið cream of tartar og salti við eggjahvíturnar og stífþeytið þær. Blandið eggjarauðum og rjómaosti saman og blandið síðan eggjahvítunum varlega saman við með sleif eða sleikju. Búið til átta hringlaga brauð úr deiginu á ofnplötunni og bakið þar til þau hafa náð fallega ljósbrúnum lit, eða í 25 til 30 mínútur. Til að poppa þetta upp er hægt að strá smá rifnum osti yfir brauðin og setja þau aftur inn í ofn í 2 til 3 mínútur til viðbótar.
