Því miður fundust þeir nokkrum árum of seint
Hópur rússneskra ævintaýramanna fundu ógrynni af peningaseðlum í yfirgefinni námu í mýrlendi skammt frá höfuðborginni Moskvu fyrir skemmstu. Fundurinn þykir nokkuð merkilegur enda var um að ræða gríðarlegt magn peningaseðla, eða hátt í einn milljarð sovéskra rúbla.
Hætt var að nota sovésku rúbluna í kjölfar falls Sovétríkjanna árið 1991 og því eru peningarnir því miður verðlausir í dag. Ef miðað er við gengi rússnesku rúblunnar mætti áætla að virði peninganna – ef þeir væru enn nothæfir – hlypi á hátt í tveimur milljörðum króna.
Í umfjöllun rússneskra fjölmiðla kemur fram að hópurinn hafi ákveðið að kanna svæðið eftir að hafa heyrt orðróm þess efnis að á svæðinu væri að finna mikið magn peningaseðla. Ekki virðist liggja fyrir hvaðan peningarnir komu eða hvernig þeir enduðu á svæðinu.