Í tilkynningu frá lögreglunni í Kaupmannahöfn kemur fram að maðurinn verði færður fyrir dómara í dag þar sem gæsluvarðhalds verður krafist yfir honum. Lögreglan hefur ekki viljað segja mikið um málið annað en að handtakan hafi gengið vel og átakalaust fyrir sig. Nú sé verið að rannsaka málið betur en á þessu stigi þess bendi ekkert til að maðurinn hafi ætlað að nota byssuna í skólanum.