Ítalskir fjölmiðlar greina frá því að 22 ára íslensk stúlka hafi orðið fyrir bíl á eyjunni Sikiley í gærdag. Hún er sögð vera alvarlega slösuð á spítala.

Samkvæmt fréttunum var konan að ganga yfir götu á hringveginum við Cataniu, á austurströnd eyjunnar síðdegis í gær þegar hún varð fyrir bíl á leiðinni í átt að hverfinu Nesima.

Var hún flutt með sjúkrabíl á Policlinico spítalann. Sagt er að ástand hennar sé alvarlegt en ekkert frekar uppgefið en það.

Lögreglan er nú að rannsaka tildrög slyssins.

Að sögn flestra ítalskra miðla er konan íslenskur Erasmus skiptinemi við háskólann. En slysið varð skammt frá honum. Einn miðill segir konuna hins vegar vera írska.

Að sögn Ægis Þórs Eysteinssonar, fjölmiðlafulltrúa Utanríkisráðuneytisins, hefur málið ekki komið inn á borð Borgaraþjónustunnar.

Uppfært:

Ítalskir miðlar hafa gert leiðréttingu á þjóðerni stúlkunnar. Hún reyndist vera írsk og heitir Hannah Elizabeth.