Fertugur Reykvíkingur hefur verið ákærður fyrir stórfellt smygl á ofskynjunarlyfinu Dímetýltryptamín. Samkvæmt ákæru héraðssaksóknara er maðurinn sagður hafa smyglað tæplega 5,4 kg af lyfinu sem samsvarar tæplega 2.500 neysluskömmtum. Er hann sagður hafa smyglað efnunum með póstsendingu HAWB, sem tollverðir fundu og haldlögðu í vörugeymslu UPS/Express á Keflavíkurflugvelli.

Dímetýltryptamín er ekki mjög þekkt en er mjög sterkt ofskynjunarlyf. Það er innihaldsefni í ofskynjunarlyfinu ayahuasca en notkun þess hefur færst í aukana hér á landi og er lyfið vinsælt meðal jóga iðkenda. Stöð 2 birti fyrir rúmlega þremur árum viðtal við Guðmund Ragnar Guðmundsson sem hefur neytt lyfsins og sagði það hafa breytt sýn hans á lífið. Dímetýltryptamín, eða DMT, sem ayahuasca inniheldur, er hins vegar bannlista hér á landi og víðar.

Þingfesting verður í máli DMT-smyglarans við Héraðsdóm Reykjaness þann 5. maí næstkomandi.