Sagði talsmaðurinn að úkraínsku hermennirnir hefðu verið sofandi í svefnsölum herstöðvanna. Hann sagði að árásin hefði verið hefnd fyrir árás Úkraínumanna á rússneska bækistöð á gamlárskvöld en þá féllu um 400 rússneskir hermenn og um 300 særðust að sögn úkraínsku herstjórnarinnar.
Úkraínska herstjórnin hefur vísað þessum fullyrðingum Rússa á bug og sagði talsmaður herstjórnarinnar að þessar fullyrðingar Rússa séu álíka sannar og fullyrðingar þeirra um að þeir hafi eyðilagt öll HIMARS-flugskeytakerfin sem Úkraínumenn hafa fengið frá bandamönnum sínum á Vesturlöndum.
TV2 segir að Pavlo Kyrylenko, úkraínskur leiðtogi héraðsstjórnarinnar í Donetsk, hafi sagt að Rússar hafi gert sjö flugskeytaárásir á Kramatorsk og hafi eyðilagt skóla, iðnaðarhúsnæði og geymslu. Enginn hafi fallið í þessum árásum.
Fréttamenn frá Reuters voru í Kramatorsk í gær og fóru að þeim tveimur byggingum sem Rússar sögðust hafa eyðilagt í flugskeytaárásum sínum með þeim afleiðingum að 600 hermenn hafi fallið. En fréttamennirnir sáu engin merki þess að árásir hafi verið gerðar á byggingarnar, þær virtust óskemmdar og ekki var nein lík að sjá né blóð. Ekkert á vettvangi benti heldur til að hermenn hefðu nýlega verið í svefnsölum bygginganna.
Nokkrar rúður í annarri byggingunni voru brotnar en hin var alveg ósködduð. Um 50 metra frá henni var gígur sem benti til að flugskeyti hefði lent þar, nærri nokkrum geymslum.
Finnski fréttamaðurinn Antti Kuronen, sem starfar hjá Yle sjónvarpsstöðinni, var einnig á vettvangi í gær. Hann sá heldur engin merki þess að mörg hundruð úkraínskir hermenn hefðu fallið í árás Rússa.
Venäjä väittää, että se tappoi satoja ukrainalaisia sotilaita ohjusiskussa tähän kouluun Kramatorskissa. Olen paikalla ja vähän outoa, että rakennusta ei ole edes eristetty. Paikalliset eivät myöskään nähneet ambulansseja täällä aamulla. 1/3 pic.twitter.com/YHGxVy1ca6
— Antti Kuronen (@YLEKuronen) January 8, 2023
