fbpx
Fimmtudagur 08.desember 2022
Fréttir

Er efins um flótta Rússa frá Kherson – Er þetta gildra?

Kristján Kristjánsson
Föstudaginn 11. nóvember 2022 05:58

Úkraínskt stórskotalið að störfum í Kherson. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Á miðvikudaginn tilkynnti Sergei Shoigu, varnarmálaráðherra Rússlands, að rússneskum hersveitum hefði verið skipað að hörfa frá borginni Kherson og yfir á vesturbakka Dnipro. En Úkraínumenn hafa tekið þessum fréttum varlega.

Mykhailo Podoljka, ráðgjafi Volodymyr Zelenskyy, forseta, skrifaði á Twitter að það sé meira að marka það sem gert sé en orð. Enn hafi ekki sést nein merki þess að Rússar ætli að yfirgefa Kherson átakalaust. Úkraínumenn frelsi land sitt úr höndum Rússa á grunni leyniþjónustuupplýsinga, ekki á grunni sviðsettra sjónvarpsútsendinga.

Þar vísaði hann til þess að Shoigu tilkynnti um brotthvarfið í beinni sjónvarpsútsendingu.

Hjá NATO er tilkynningu Rússa einnig tekið varfærnislega. Jens Stoltenberg, framkvæmdastjóri, sagði að beðið sé eftir að sjá hvað gerist.

Anders Puck Nielsen, hernaðarsérfræðingur hjá danska varnarmálaskólanum, sagði í samtali við Danska ríkisútvarpið að hér sé hugsanlega um gildru að ræða. Það sé full ástæða til að taka tilkynningu þeirra af varfærni.

„Ég vil ekki vísa því algjörlega á bug að Rússarnir dragi sig frá Kherson en ég hallast að því að þeir muni halda fast í einhverja fótfestu við borgina,“ sagði hann.

Hann sagði að Rússar geti nýtt sér stöðuna á marga vegu. Þeir vilji hugsanlega lokka Úkraínumenn í stöðu þar sem þeir verða fyrir miklu tjóni. Það geti gerst ef Úkraínumenn verði óvarkárir í kjölfar tilkynningar Rússa.

Hann sagði að ýmislegt bendi til að Rússar séu búnir að koma öflugu stórskotaliði upp á austurbakka Dnipro. Það geti því vel hugsast að þeir vilji lokka Úkraínumenn til að sækja hratt fram að ánni þannig að þeir verði innan skotfæris stórskotaliðsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Pútín ók sigurreifur yfir brúna sína en var niðurlægður af litlum drónum

Pútín ók sigurreifur yfir brúna sína en var niðurlægður af litlum drónum
Fréttir
Í gær

Segja þetta einn stærsta ósigur Rússa í stríðinu

Segja þetta einn stærsta ósigur Rússa í stríðinu
Fréttir
Í gær

Árás fyrir utan Laugarnesskóla – Kvöldganga með hundinn endaði með skelfingu

Árás fyrir utan Laugarnesskóla – Kvöldganga með hundinn endaði með skelfingu
Fréttir
Í gær

Íslenskt klám í sjúkrabíl var til skoðunar hjá SHS – Segjast líta málið alvarlegum augum

Íslenskt klám í sjúkrabíl var til skoðunar hjá SHS – Segjast líta málið alvarlegum augum
Fréttir
Fyrir 2 dögum

Búðarþjófur hrækti í andlit afgreiðslumanns

Búðarþjófur hrækti í andlit afgreiðslumanns
Fréttir
Fyrir 2 dögum

Nafn skipverjans sem er saknað

Nafn skipverjans sem er saknað