Víðir Reynisson, yfirlögregluþjónn hjá Ríkislögreglustjóra, staðfesti á blaðamannafundi um COVID-19 veiruna að upplýsingar lægju fyrir um fólk sem hefði flogið heim frá Ítalíu undanfarið í gegnum London til að komast hjá sóttkvíð. Víðir minnti á samfélagslega ábyrgð. Hann sagði að reynt hefði verið að ná í þetta fólk.
Þeir sem eru að koma frá sýktum svæðum eiga að vera í heimasóttkví í 14 daga. Þeir sem finna til einkenna á borð við hita og þurran hósta eiga að gefa sig fram til heilbrigðisyfirvalda til að fá greiningu.
Víðir ræddi málið einnig á Bylgunni í gær og sagði: „Við höfum verið að sjá skjáskot af þessu, fólk beinlínis að monta sig af þessu og komið til vinnu. Ég skil ekki hvernig svona fólk getur horft framan í vinnufélaga sína,“ sagði Víðir og minnti á að heimild er í sóttvarnarlögum til að beita viðurlögum neiti fólk að fara í sóttkví. Það sé þó ekki gert nema að heilbrigðisyfirvöld telji víst að aðili sé að smita.