fbpx
Miðvikudagur 26.júní 2019

DV - Frjáls og óháður miðill

Fréttir

Sveinn Hjörtur fann fágætan grip í Kolaportinu – Fangar spiluðu tregafulla söngva

Ragna Gestsdóttir
Sunnudaginn 19. maí 2019 18:00

Ekki missa af Helstu tíðindum dagsins í pósthólfið þitt

Lesa nánar

Kolaportið hefur verið fastur sess í miðbæjarlífinu síðan árið 1989, en flóamarkaðurinn opnaði fyrst í bílastæðakjallara Seðlabankans. Fimm árum seinna flutti Kolaportið á fyrstu hæð Tollhússins við Tryggvagötu og hefur verið opið þar allar helgar síðan, áhugamönnum um fágætan varning, skran, faldar gersemar og allt þar á milli, til ánægju og skemmtunar.

Í Kolaportinu má oft finna fágæta muni sem eiga sér áhugaverða sögu og í Facebook-færslu vekur Sveinn Hjörtur Guðfinnsson athygli á einum slíkum, Hohner kassagítar frá árinu 1977.

„Í Kolaportinu í bás þar sem Þórir Oddsson ræður ríkjum og selur ýmsa gullmola frá tónlistarsögunni, er að finna merkilegan grip – Hohner kassagítar frá árinu 1977. Það var hinn þýski Matthias Hohner sem stofnaði fyrirtækið árið 1857 en það framleiddi ýmis hljóðfæri. Gítarar Hohners urðu vinsælir og þóttu góðir til að spila blús og jazz. Þeir urðu því í raun hluti af sögunni því gítararnir fóru víða og seldust vel,“ segir Sveinn Hjörtur.

Gítarinn gekk á milli fanga

Þórir kom með gítarinn frá Bandaríkjunum og sagan sem fylgir honum er sú að gítarinn hafi þvælst um í fangelsi í suðurríkjunum. Rétt eins og góð bók gekk hann á milli manna sem styttu stundir sínar með gítarnum og sungu tregasöngva lífsins bak við rimlana. Hvernig gítarinn endaði á Íslandi er ekki vitað með vissu en kallar vissulega fram dularfulla upplifun þegar spilað er á hann.

„Hljómurinn er ágætur og má svo sannarlega segja að gítarinn hafi sál,“ segir Sveinn Hjörtur, sem spilar sjálfur ekki á gítar og keypti því ekki þennan, en Þórir tók í gítarinn í myndbandi sem finna má í færslunni hér fyrir neðan.

Hohner-verksmiðjan hefur hætt framleiðslu á gíturum, en í Kolaportinu hefur gamli Hohner gítarinn tekið út sína afplánun og stendur skreyttur af fingrum sögunnar, hinni dularfullu sögu um gítar fanganna í Ameríku – gullstreng fanganna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Segir Dag leyna svartri skýrslu um grunnskóla borgarinnar – Börn glíma við höfuðverk, ógleði, slappleika og grátköst

Segir Dag leyna svartri skýrslu um grunnskóla borgarinnar – Börn glíma við höfuðverk, ógleði, slappleika og grátköst
Fréttir
Í gær

Tölvutek óskar eftir gjaldþrotaskiptum – 40 missa vinnuna: „Mikill missir er að hverjum og einum starfsmanni“

Tölvutek óskar eftir gjaldþrotaskiptum – 40 missa vinnuna: „Mikill missir er að hverjum og einum starfsmanni“
Fréttir
Fyrir 2 dögum

Hékk á brjóstum konu á sjómannadaginn: „Brjóst eru líkamshlutar sem mjög eru tengd kynlífi“

Hékk á brjóstum konu á sjómannadaginn: „Brjóst eru líkamshlutar sem mjög eru tengd kynlífi“
Fréttir
Fyrir 2 dögum

Ferðamenn upplifðu skelfingu í Reykjavík: Hurðinni sparkað upp og öllu stolið – Bílaleigubíllinn fannst bensínlaus

Ferðamenn upplifðu skelfingu í Reykjavík: Hurðinni sparkað upp og öllu stolið – Bílaleigubíllinn fannst bensínlaus
Fréttir
Fyrir 2 dögum

Tölvutek lokar eftir 12 ár í rekstri

Tölvutek lokar eftir 12 ár í rekstri
Fréttir
Fyrir 2 dögum

Guðrún: Skóladagur unglinga ætti að byrja klukkan 10 eða 11 – Verða seinna syfjaðir en fullorðnir

Guðrún: Skóladagur unglinga ætti að byrja klukkan 10 eða 11 – Verða seinna syfjaðir en fullorðnir