Mohamed Salah verður að öllum líkindum klár aftur fyrir lok tímabils, samkvæmt yfirlýsingu Liverpool.
Egyptinn fór meiddur af velli gegn Crystal Palace um síðustu helgi vegna meiðsla aftan í læri, sem vakti ótta um að tímabil hans væri búið.
Félagið hefur þó nú róað stuðningsmenn og segir að hann gæti spilað aftur áður en tímabilinu lýkur.
Salah, sem er 33 ára, mun yfirgefa Liverpool í sumar á frjálsri sölu eftir samkomulag við félagið.
Tímabil hans hefur verið undir væntingum, líkt og hjá liðinu í heild, sem berst nú fyrir sæti í Meistaradeildinni.
