fbpx
Þriðjudagur 07.júlí 2020

Guðmundur Örn missti stöðuna eftir tal um djöfulinn

Kristinn H. Guðnason
Sunnudaginn 17. febrúar 2019 10:52

Guðmundur Örn Predikaði eld og brennistein yfir Seltirningum.

Ekki missa af Helstu tíðindum dagsins í pósthólfið þitt

Lesa nánar

Guðmundur Örn Ragnarsson var nýlega gestur í Paradísarheimt, þætti Jóns Ársæls Þórðarsonar á RÚV. Þar vakti hann undrun og hneykslun margra vegna tals um „kynvillulög“, það er um giftingu samkynhneigðra. Fyrir tæpu ári kom hann landsmönnum spánskt fyrir sjónir þegar hann tók viðtal við Eyþór Arnalds, oddvita Sjálfstæðismanna í Reykjavík, og sagði hann útvalinn af guði. Skoðanir Guðmundar hafa lengi verið á skjön við flesta landsmenn. Fyrir tæpum þrjátíu árum missti hann stöðu sína hjá Þjóðkirkjunni en þá hafði hann predikað eld og brennistein yfir grandvörum borgurum á Seltjarnarnesi.

„Satan er raunverulegur og okkur stafar hætta af honum, því er nauðsynlegt að forðast áhrif hans og veldi.“ Þetta sagði Guðmundur í viðtali við DV í október árið 1990. Þá var hann svokallaður farprestur og starfandi á Seltjarnarnesi til nokkurra mánaða.

Myrkrahöfðinginn í nýaldarguðfræðinni og Lionsklúbbnum

Guðmundur hafði gegnt stöðu farprests í sex ár og leysti sóknarprestinn af vegna barneignarleyfis. Áður hafði hann starfað í samanlagt sex ár á Raufarhöfn. Á þessum tíma voru messur Guðmundar farnar að valda nokkru fjaðrafoki og þótti mörgum boðskapur hans ansi harkalegur. Meðal annars sem hann sagði sóknarbörnum á Seltjarnarnesi var að hætta félagslífi, til dæmis í Lionshreyfingunni, ef það kom í veg fyrir kirkjusókn.

Guðmundur er af prestaættum en varð að eigin sögn ekki kristinn fyrr en hann fór í guðfræðideildina. Hann hafði aðeins trúað á guð en ekki Jesú sjálfan og á því væri mikill munur. Vildi hann meina að „nýguðfræði“ sem boðuð hefði verið á fyrri hluta 20. aldarinnar væri um að kenna að margir ættu erfitt með að setja Jesú á oddinn. „Hún varð meðal annars til þess að það hefur orðið feimnismál meðal þjóðarinnar að tala um djöfulinn. Nýguðfræðin taldi að djöfullinn væri ekki til og það var talað um „helvítispredikara“ í frekar niðrandi merkingu fyrir það eitt að nefna myrkrahöfðingjann á nafn.“ Nauðsynlegt væri að þekkja óvininn sem birtist okkur á ýmsan hátt, til dæmis í nýaldarhreyfingunni.

Þó að Guðmundur væri starfandi innan Þjóðkirkjunnar hafði hann komið fram hjá ýmsum kristnum söfnuðum. Til dæmis kaþólikkum, hvítasunnumönnum, Hjálpræðishernum, Veginum og fleirum. Einnig var hann tengdur komu bandarísks sjónvarpspredikara og trúði innilega á áhrifamátt þess miðils sem svo mikið er notaður í Bandaríkjunum.

Fötlun er refsing frá guði

Tal Guðmundar um djöfulinn var ekki það eina sem fólki stóð stuggur af. Hann talaði harkalega gegn fóstureyðingum og lenti upp á kant við sóknarnefnd vegna barnastarfs. Sóknarnefnd kom saman til að fjalla um málið. Þá var erindið einnig sent til Ólafs Skúlasonar, biskups Íslands. Þá skrifaði séra Gunnar Kristjánsson, á Reynivöllum, harðorða grein gegn Guðmundi í Kirkjuritið og nefndi að sögusagnir væru uppi um að Guðmundur kenndi fermingarbörnum að fötlun væri refsing frá guði og að blessun guðs kæmi fram í góðu heilsufari.

Fór svo að sóknarnefnd Seltjarnarneskirkju sagði af sér vegna deilunnar um messutímann. Þá var biskup í algjörum vandræðum með málið sem þótti líklegt til að kljúfa Þjóðkirkjuna í tvær fylkingar. Það voru jú einnig prestar sem komu Guðmundi og hans sjónarmiðum til varnar. Lauk deilunni með því að embætti farprests var lagt niður og Guðmundi ekki boðin önnur staða innan Þjóðkirkjunnar. Stofnaði hann í kjölfarið eigið trúfélag, Messías, og varð síðar vel þekktur sjónvarpspredikari á Ómega.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 4 klukkutímum

Símon telur of langt gengið – Fangelsismálayfirvöld mega breyta dómum dómstóla

Símon telur of langt gengið – Fangelsismálayfirvöld mega breyta dómum dómstóla
Eyjan
Fyrir 4 klukkutímum

Kennir Sjálfstæðisflokknum um Káraklúðrið

Kennir Sjálfstæðisflokknum um Káraklúðrið
BleiktFókus
Fyrir 7 klukkutímum

Fann sæðisgjafa á Facebook – „Ef við myndum ákveða að eignast annað barn þá myndi ég gera það svona aftur“

Fann sæðisgjafa á Facebook – „Ef við myndum ákveða að eignast annað barn þá myndi ég gera það svona aftur“
433
Fyrir 7 klukkutímum

Sjáðu myndina: Ný treyja Arsenal fær jákvæð viðbrögð

Sjáðu myndina: Ný treyja Arsenal fær jákvæð viðbrögð
Pressan
Fyrir 8 klukkutímum

Enn bíður Trump ósigur – Útgáfa bókar frænku hans verður ekki stöðvuð

Enn bíður Trump ósigur – Útgáfa bókar frænku hans verður ekki stöðvuð
433
Fyrir 8 klukkutímum

Forseti Barcelona staðfestir framtíð Messi: ,,Fáum að njóta hans í mörg ár til viðbótar“

Forseti Barcelona staðfestir framtíð Messi: ,,Fáum að njóta hans í mörg ár til viðbótar“