Miðvikudagur 20.nóvember 2019
Fókus

Ari vann með rúmum fimm þúsund atkvæðum: „Bæði SMS leiðin og innhringileiðin virkuðu án truflana“

Einar Þór Sigurðsson
Mánudaginn 5. mars 2018 11:17

Ekki missa af Helstu tíðindum dagsins í pósthólfið þitt

Lesa nánar

Ari Ólafsson og lagið Our Choice hlaut 44.919 atkvæði í símakosningunni í Söngvakeppninni á laugardagskvöld og verður þessi 19 ára piltur þar með fulltrúi Íslands í Eurovision í Portúgal. Lagið Stormur, í flutningi Dags Sigurðssonar, hlaut 39.474 atkvæði.

Þetta kemur fram í tilkynningu sem RÚV sendi frá sér.

Eftir fyrri umferð símakosningar og niðurstöður alþjóðlegrar dómnefndar var lag Júlí Heiðars Halldórssonar, Í stormi, flutt af Degi, í efsta sæti og Our Choice í öðru sæti.

„Í seinni umferð símakosningarinnar, hinu svokallaða einvígi, urðu hinsvegar skýr sætaskipti þegar „Our Choice“ tók nokkuð afgerandi forystu og sigraði að lokum með 44.919 greiddum símaatkvæðum á móti 39.474 símaatkvæðum til „Í stormi“,“ segir í tilkynningunni.

Ari mun stíga á svið í Portúgal og flytja lagið í fyrri undankeppninni þriðjudaginn 8. maí. Seinni undankeppnin verður fimmtudaginn 10. maí en úrslitin fara fram laugardaginn 12. maí.

Í tilkynningunni segir RÚV enn fremur að engin vandamál hafi komið upp með kosningakerfið.

„Í kjölfar umræðu í fjölmiðlum og á samfélagsmiðlum um að mögulega hefðu komið upp vandamál tengd framkvæmd símakosningar réðust forsvarsmenn keppninnar hjá RÚV, ásamt tæknimönnum Vodafone, sem hélt utan um símakosninguna, án tafar og markvisst í að ganga úr skugga um og sannreyna hvort svo kunni að hafa verið. Niðurstaða þeirrar greiningar er skýr og tekur af allan vafa um að nokkuð óeðlilegt eða sjáanleg vandamál hafi komið upp og útiloka með öllu að kosningakerfið hafi getað hagað sér ólíkt milli símanúmera í kosningunni.“

Þá fylgir tilkynningunni yfirlýsing frá Vodafone vegna símakosningarinnar þar sem segir:

„Tæknimenn Vodafone eru búnir að skoða alla helstu þætti varðandi símakosninguna. Sú skoðun benti ekki til neinna sjáanlegra vandamála með kosningakerfið sem notað var í símakosningunni. Bæði SMS leiðin og innhringileiðin virkuðu án truflana. Símstöðin sem notuð var í kosninguna, er sérstaklega hönnuð með símakosningar í huga, og hefur verið notuð í sama tilgangi um árabil og án hnökra.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

Fjölmenni þegar útgáfu bókar um íslensk mannshvörf var fagnað

Fjölmenni þegar útgáfu bókar um íslensk mannshvörf var fagnað
Fókus
Fyrir 3 dögum

Ísland í „jörmum“ – Hvað segir heimurinn um okkur?

Ísland í „jörmum“ – Hvað segir heimurinn um okkur?
Fókus
Fyrir 3 dögum
Táknrænt tattú
Fókus
Fyrir 4 dögum

Stuðaði Grafarholtsbúa og komst í fréttirnar: „Það var byrjunin á þessari sprengju“

Stuðaði Grafarholtsbúa og komst í fréttirnar: „Það var byrjunin á þessari sprengju“
Fókus
Fyrir 4 dögum

Er þetta krúttlegasti hundur í heimi? – Með tugþúsundir fylgjenda á Instagram

Er þetta krúttlegasti hundur í heimi? – Með tugþúsundir fylgjenda á Instagram
Fókus
Fyrir 5 dögum

Getur þú giskað á rétta fyrirsögn út frá samsettu myndinni? – Þetta er erfiðara en þú heldur!

Getur þú giskað á rétta fyrirsögn út frá samsettu myndinni? – Þetta er erfiðara en þú heldur!
Fókus
Fyrir 5 dögum

Forsetafrúin lýsir upphafi kynna hennar og Guðna: Hófst með blindu stefnumóti – „Ég var viss um að ég kæmi út eins og eltihrellir“

Forsetafrúin lýsir upphafi kynna hennar og Guðna: Hófst með blindu stefnumóti – „Ég var viss um að ég kæmi út eins og eltihrellir“