Fjölmiðlamaðurinn og grínistinn Sóli Hólm deildi því með Twitter-notendum sínum að á dögunum hefði hann reynt sitt ítrasta til þess að fá móður sína ofan að því að reykja. Reyndi hann að höfða til buddunnar með því að tjá henni að fólk sem hætti að reykja færi árlega til Tenerife fyrir peninginn sem það eyddi áður í sígarettur. Vissulega sterk rök sem vekja marga til umhugsunar. Því var ekki svo farið með móður Sóla en svar hennar var ákveðið og útilokaði allar frekari rökræður: „Mig langar bara ekkert til Tenerife.“
