Popparinn landaði hlutverki í hryllingsmynd
Tónlistarmaðurinn og hjartaknúsarinn Peter Andre hefur landað hlutverki í sinni fyrstu Hollywood-mynd, spennumyndinni The Undoing.
Andre, sem er 44 ára, er einna best þekktur fyrir lagið Mysterious Girl sem kom út árið 1996. Hann tilkynnti um nýja starfið á Instagram-síðu sinni við mikla hrifningu fylgjenda sinna.
Tökur á myndinni hefjast í Los Angeles á næsta ári. Andre sagði að hann hefði í raun beðið eftir þessu tækifæri allt sitt líf, eða í 44 ár.
Myndin segir frá tökuliði frá sjónvarpsstöð sem reynir að festa raunverulegan draugagang á mynd. Djöfulgangur og ill öfl gera teyminu hins vegar lífið leitt.
