Ítalski leikstjórinn og leikarinn Roberto Benigni fer fögrum orðum um Barack Obama eftir heimsókn í Hvíta húsið þar sem hann sat hann kvöldverð ásamt nokkrum öðrum þekktum Ítölum. Benigni er leikstjóri hinnar þekktu kvikmyndar La vite e bella, en hann hlaut Óskarsverðlaun fyrir leik sinn í myndinni, sem var einnig valin besta erlenda mynd ársins. Benigni segir að Obama hafi í ræðu í Hvíta húsinu lýst yfir hrifningu sinni á myndinni. Hann segir einnig að hann muni aldrei gleyma því þegar Obama gekk til hans og faðmaði hann. „Obama forseti er einn merkilegasti persónuleiki okkar tíma og það sama má segja um Michelle. Enginn annar forseti kemur í staðinn fyrir hann,“ sagði Benigni.
Benigni hefur ekki leikstýrt kvikmynd í ellefu ár og þær myndir sem hann gerði á eftir La vite e bella hlutu engar sérstakar viðtökur. Síðustu tíu árin hefur hann aðallega komið fram á sviði og í sjónvarpi. Hann er að skrifa handrit að gamanmynd.
