Karlmaður sem hafði um árabil barist við banvænt beinkrabbamein og þær illviðráðanlegu kvalir sem sjúkdóminum fylgja tók sitt eigið líf þann 28. júlí 2014.

Max Bromson var 66 ára þegar hann tók þessa stóru ákvörðun. Max sem var búsettur í borginni Adelaide í Ástralíu var í faðmi nánustu fjölskyldu sinnar á mótel-herbergi í borginni á meðan hann lognaðist út af og lést eftir að hafa tekið inn banvæna blöndu af róandi- og svefnlyfjum.

Hinsta stundin

Síðastliðinn miðvikudag, rúmum tveimur árum eftir andlátið, birtu aðstandendur Max myndband af hans hinstu stund, með því markmiði að koma af stað umfjöllun um líkardráp. Max var ötull talsmaður líknardráps og barst af miklum ákafa fyrir málstaðinn áður en hann lést.

Líkt og í flestum löndum í heiminum er líknardráp, eða sjálfsvíg með aðstoð læknis, ólöglegt í Ástralíu.

Í myndbandinu sem birtist hér að neðan heyrist einn fjölskyldumeðlinum segja, „Ég elska þig vinur,“ á meðan Max drekkur blönduna sem honum þykir nokkur bitur á bragðið. Þá kemur annar náinn aðstandandi og réttir honum glas sem virðist innihalda viskí eða eitthvað annað sterkt áfengi sem var í uppáhaldi hjá Max.

[youtube https://www.youtube.com/watch?v=Cnolvv7_DBc&w=560&h=315]

Systir Max, sem heitir Kerry, segir að þau hafi ákveðið að taka sjálfsvígið upp á myndband þar sem þau vissu að viðamikil lögreglurannsókn myndi fara fram í kjölfarið þar sem það er sömuleiðis ólöglegt að aðstoða við sjálfsvíg.

Voru til staðar

„Við gerðum ekkert til að aðstoða hann við sjálfsvígið en að sama skapi vorum við til staðar fyrir hann þar sem við elskuðum hann.“

Þetta segir Kerry sem hafði rétt fyrir sér um viðamikla rannsókn en henni lauk ekki formlega fyrr en í byrjun vikunnar.

Max fékk fyrst áhuga á líknardrápi eftir að hann greindist með beinkrabbamein. Þá hafði hann tjáð sig um málefnið í fjölmiðlum og kvaðst sjálfur vilja taka ákvörðun um það hvernig og líka hvenær væri kominn tími á að deyja.