Louis Risher, kærasti Maddy, staðfesti við People að hún hafi látist að kvöldi miðvikudags en svo vildi til að þann sama dag fagnaði hann sjálfur 27 ára afmæli sínu.
„Ég hélt í höndina á henni allan daginn og það er það sem hún þurfti á að halda,“ segir Louis og bætir við að Maddy hafi verið umvafin ást alla sína ævi og allt þar til hún dró andann í síðasta sinn.
Louis greindist með alvarlega tegund ristilkrabbameins í febrúar 2023, en þar á undan hafði hún glímt við magakrampa sem hún hélt að tengdist mataræði hennar. Hún léttist hratt og eftir heimsókn til læknis kom í ljós að hún var með krabbamein og meinvörp.
Maddy sagði á TikTok að ein hennar helsta ósk væri að hitta kokkinn Gordon Ramsay. Ramsay sá skilaboð hennar og bauð henni til Miami þar sem hann borgaði fyrir hana flug og gistingu og bauð henni að borða á veitingastað sínum. Þá bauðst hann til að sjá um matinn í brúðkaupi hennar og Louis, en því miður entist henni ekki aldur til að láta þann draum rætast.