Karlmaður á sextugsaldri í Michigan-fylki var á dögunum ákærður fyrir að hafa stundað sjálfsfróun á heimili hjóna sem réðu hann til að skoða hús sem þau voru að kaupa. Starf mannsins átti að vera einfalt, hann átti að athuga hvort ekki væri allt til sóma innandyra áður en gengið var frá kaupunum en það átti eftir að reynast honum erfitt. HuffPost greinir frá.

Manninum var fylgt inn af fasteignasalanum fyrir skoðunina. Þegar hún skrapp frá laumaði hann sér inn í eitt barnaherbergja hússins og tók upp Elmo-bangsa sem lá á gólfinu. Það var þá sem öryggismyndavélarnar í herberginu létu eigendurna vita að það væri einhver þar inni.

Eigendurnir kíktu í forrit í síma sínum sem sýndi hvað var á seyði og sáu þau manninn stunda sjálfsfróun með Elmo-bangsanum. Þau hringdu á lögregluna samstundis og þegar hún mætti á svæðið sagði maðurinn að hann hafi einungis verið að vinna vinnu sína og gripið bangsann til að skoða innstungu sem var á bak við hann.

Þegar hann honum var tjáð að það hefðu verið myndavélar í herberginu viðurkenndi hann brot sín samstundis. Ef hann verður dæmdur gæti hann átt von á allt að tveggja ára fangelsi og sekt upp á rúmlega 300.000 krónur. Hann þarf einnig að fara í geðheilsumat og má ekki vera einn inni í íbúðarhúsnæði sem hann á ekki á meðan málið er rannsakað.