Hin 73 ára kóreyska leikkona Yuh-Jung Youn vann óskarsverðlaun fyrir besta leik í aukahlutverki fyrir túlkun sína á hinni dásamlegu suður kóreysku ömmu, í kvikmyndinni Minari.
Er hún fyrsti kóreyski leikarinn sem hlýtur Óskar.
Brad Pitt afhenti Youn verðlaunin en hann er einnig einn framleiðanda myndarinnar og var þetta í fyrsta skipti sem þau hittust.
Á verðlaunaafhendingunni var Youn spurð baksviðs af ónefndri fréttakonu hvernig það hafi verið að hitta loksins stórstjörnunni Brad Pitt og af einhverri undarlegri ástæðu – spyr fréttakonan einnig hvernig Pitt hafi lyktað.
Svar leikkonunnar er dásamlega beitt. „Ég veit það ekki. Ég þefaði ekki af honum. Ég er ekki hundur.“
Hefur viðtal fréttakonunnar vakið reiði meðal almennings og þykir spurningin vera mikið virðingarleysi fyrir leikkonunni sem þarna er að fá ein eftirsóttustu verðlaun í heimi en er spurð um lyktina af manninum sem framleiddi myndina.