Sjónvarpskonan Alice Levine var vægast sagt í áfalli þegar hún heyrði karlmann stunda sjálfsfróun á bak við dyr. Maðurinn framleiðir klám heima hjá sér og kom fram í þætti á Channel 4 á dögunum. LadBible greinir frá.
Margir kannast við Alice Levine úr geysivinsælu hlaðvarpsþáttunum My Dad Wrote a Porno. Hún vinnur nú að heimildarþáttum fyrir Channel 4 í Bretlandi um kynlífshegðun Breta, þættirnir heita „Sex Actually with Alice Levine.“
Í þáttunum hittir hún alls konar fólk og skoðar hvaða merkingu kynlíf hefur fyrir það. Hvort sem það stundar kynlíf einfaldlega „fyrir ánægju, fyrir pening eða jafnvel andlega uppljómun“
Í fyrsta þætti, sem kom út í síðustu viku, ræddi Alice við Sam, 29 ára, og kærustu hans Nikita, 24 ára.
Sam og Nikita urðu ástfangin í miðjum Covid-faraldri. Fljótlega fóru þau að framleiða klámfengið efni og selja á netinu. Þau eru svokallaðar „webcam fyrirsætur“ en það er gjarnan notað fyrir fólk sem framleiðir klám heima hjá sér fyrir framan tölvumyndavélina (e. webcam) og gerir það oft í beinni (e. live).
Í þættinum var eitt augnablik vandræðalegra en annað. Alice var að bíða fyrir utan herbergisdyr Sam á meðan hann tók upp „rúnkmyndband“ fyrir fylgjendur sína.
„Hvernig vitum við að hann er byrjaður?“ Spurði Alice og síðan var það augljóst þegar hann byrjaði.
„Ég heyri í honum anda,“ sagði hún við myndavélina í áfalli.
Þegar Sam var búinn sagðist Alice heyra í honum klæða sig í buxurnar og hann kom síðan fram til að ræða við Alice. Hún spurði hvernig hefði gengið.
„Vel, já heitt maður. Svitinn lekur af mér,“ sagði hann.
„Mér líður vel, ég náði góðu myndefni, nokkrum myndum og missti örugglega kíló af svita.“
Sam er gagnkynhneigður en sagði að meirihluti viðskiptavina hans séu karlmenn. „Meira en 90 prósent aðdáenda minna eru karlmenn,“ sagði hann.
„Ég held að það sé ástæðan fyrir því að mér gengur svona vel í þessum iðnaði. Svona þéna karlkyns klámstjörnur, með því að selja samkynhneigðum mönnum efni,“ sagði hann.
„Þetta eru viðskipti, engar tilfinningar innifaldar.“
Hér má sjá brot úr þættinum. Þú þarft samt að vera 18 ára og eldri til að geta horft á það og með aðgang að YouTube.
