Tónlistarhjónin Salka Sól Eyfeld og Arnar Freyr Frostason eiga von á barni. Salka segir frá óléttunni með mynd sem hún birti í færslu á Facebook-síðu sinni í dag. „It’s all good baby baby,“ skrifar Salka með myndinni.
Þetta er annað barn þeirra hjóna en þau eignuðust sitt fyrsta barn, Unu Lóu, í desember árið 2019.
Salka og Arnar giftust árið 2019 við hátíðlega athöfn í Hvalfirðinum eftir að hafa verið saman í nokkur ár. Þau trúlofuðu sig á Spáni árið 2017.
Fókus óskar þeim Sölku og Arnari innilega til hamingju.
