fbpx
Föstudagur 30.október 2020
Fókus

Friðarteikningar íslenskra barna prýða hringleikahúsið fræga

Erla Dóra Magnúsdóttir
Laugardaginn 28. september 2019 17:30

Ekki missa af Helstu tíðindum dagsins í pósthólfið þitt

Lesa nánar

Yfir fimm þúsund friðarteikningar barna frá um 128 löndum voru til sýningar í hinu víðfræga hringleikahúsi Colosseum í Róm um síðustu helgi. Þar á meðal voru teikningar barna frá Íslandi. Tilefni sýningarinnar var alþjóðlegur friðardagur Sameinuðu þjóðanna þann 21. september. Verkefnið nefndist Litir friðar og er um að ræða heimsins stærstu og fjölþjóðlegustu sýningu á slíkum teikningum.

Það voru fulltrúar frá Friðarhlaupinu, Sri Chinmoy Oneness Home Peace Run, sem tóku á móti teikningum íslenskra barna og sendu áfram til Ítalíu. Friðarhlaupið er alþjóðlegt kyndilboðhlaup sem fer fram um allan heim. Tilgangur hlaupsins er að efla frið, vináttu og skilning milli manna og menningarheima. Yfir 100 lönd taka þátt í hlaupinu í öllum heimsálfum.

Friðarhlaupið er nú að taka saman teikningar fyrir sýninguna á næsta ári og heimsótti því grunnskólann í Þorlákshöfn síðastliðinn mánudag þar sem nemendur 6. bekkjar afhentu teikningar sínar í íþróttahúsinu.

Litir friðar – Yfir 5.000 teikningar barna prýða hringleikahúsið fræga til að efla meðvitund um frið. Mynd: Nirbhasa Magee

 

Stór stund – Nemendur 6. bekkjar grunnskólans í Þorlákshöfn afhenda myndir fyrir sýninguna á næsta ári. Mynd: Nirbhasa Magee

 

Krýsuvíkurleið – Friðarhlaupið byrjaði síðustu helgi til að fagna alþjóðlegum friðardegi Sameinuðu þjóðanna en þessi mynd var tekin á Krýsuvíkurleið 21. september. Mynd: Nirbhasa Magee
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Syngja um Þórólf sem á afmæli í dag – Sjáðu myndbandið

Syngja um Þórólf sem á afmæli í dag – Sjáðu myndbandið
Fókus
Fyrir 2 dögum

Fagnar að meðgangan sé hálfnuð með nektarmynd

Fagnar að meðgangan sé hálfnuð með nektarmynd
Fókus
Fyrir 4 dögum

Vikan á Instagram: „Ánægð með daginn þótt ég hafi ekki komist ekki á djammið“

Vikan á Instagram: „Ánægð með daginn þótt ég hafi ekki komist ekki á djammið“
Fókus
Fyrir 4 dögum

„Þarna fékk ég nokkra daga til að hugsa um lífið og tilgang lífsins“

„Þarna fékk ég nokkra daga til að hugsa um lífið og tilgang lífsins“