Söngkonan Birgitta Haukdal er nýjasti gestur Burning Questions hjá Áttan Miðlar. Egill Ploder spyr Birgittu erfiðra spurninga en hún segist ekki hafa neinar áhyggjur. „Ég er alltaf í einhverri vitleysu,“ segir hún.
Ef Birgitta Haukdal mætti velja eina manneskju í heiminum til að vinna með væri það Michael Jackson.
„Ég hefði viljað vera á sviði með Jackson. Ógeðslega leiðinlegt allar umræðurnar og það mál, en fyrir það hefði það verið geðveikt,“ segir Birgitta.
Klámvísa
Birgitta er beðin um að raða nokkrum lögum röð, frá því besta yfir í það versta. Eitt af þeim lögum er lagið Fingur sem sló í gegn á sínum tíma og Birgitta deilir skemmtilegri sögu um lagið.
„Fingur var svolítið skemmtilegt samstarf. Og það á sér frekar skemmtilega sögu. Okkur var til dæmis bannað að spila það í einum skóla, þegar það kom út var það alveg svakalega vinsælt lag og Viggi var tónlistarkennari í barnaskóla og skólinn ætlaði að fá hljómsveitina hans Vigga til að koma í sal og skemmta börnunum, nema hvað við máttum bara ekki taka Fingur, það er því þau vildu ekki svona klámvísu,“ segir Birgitta en bætir við að lagið sé ekki klámvísa og hlær.
Horfðu á viðtalið við Birgittu í heild sinni hér að neðan.
