Alexandra Briem varaborgarfulltrúi er að jafna sig eftir andlitsaðgerð. Alexandra lagðist undir hnífinn í Marbella á Spáni.
Sjá einnig: Alexandra Briem varaborgarfulltrúi fer í andlitsaðgerð í dag: „Farin að hlakka rosalega mikið til“
Hún hefur verið dugleg að leyfa fylgjendum sínum á Instagram að fylgjast með ferlinu. Alexandra hefur deilt tveimur myndböndum eftir aðgerð, fyrst deildi hún myndbandi daginn eftir aðgerð.
„Þá er ég að vakna daginn eftir aðgerð og er svolítið sjúskuð. Það var ekki alveg að gera sig að taka upp blogg í gær en við sjáum hvernig þetta fer allt saman. Búið að vera erfið nótt og svona en samt gekk allt vel,“ segir Alexandra í myndbandinu.
Nýjasta myndbandinu deildi Alexandra í morgun og titlar það: „The first day of the rest of my life.“
View this post on Instagram
Dagur 10 í aðgerðaáætlun Alexöndru – The first day of the rest of my life
„Ég lenti í því í gær að reka aðeins hausinn í og vil að það verið athugað hvort það hafi verið einhver skaði þar sem hárígræðslan er hér fyrir ofan,“ segir Alexandra og bætir við að það sé gaman að hafa mömmu sína með sér á Spáni.