Leikarinn Baltasar Breki Samper hefur landað sínu fyrsta erlenda hlutverki í sjónvarpsþáttunum Chernobyl sem stórfyrirtækið HBO framleiðir. Um er að ræða fimm þátta seríu sem fer í saumana á kjarnorkuslysinu sem átti sér stað í Chernobyl árið 1986.
Baltasar leikur persónuna Ananenko, vísindamann sem mætir á vettvang í kjölfar kjarnorkuslyssins til að koma í veg fyrir frekari hörmungar. Sjá má mynd af leikaranum að neðan þar sem hann er nánast óþekkjanlegur.
Fyrstu tveir þættirnir af Chernobyl hafa nú verið sýndir um heim allan en Baltasar segir að svona stóru verkefni getur fylgt mikill meðbyr.
„Ég man eftir fyrstu seríuna af Ófærð þar sem ég lék ágætlega stórt hlutverk þá kom áhuginn aðallega eftir að öll serían var sýnd. Þegar fólk sér mann þá kviknar einhver áhugi.“ segir Baltasar Breki í samtali við útvarpsþættinum Tala saman.