Tónlistarmaðurinn Jaden Smith lýsti því yfir á tónleikum sínum nýlega að hann væri samkynhneigður og í sambandi með rapparanum Tyler, The Creator.
„Ég vil bara segja að Tyler, The Creator, er besti vinur í heimi og ég elska hann helvíti mikið, og ég vil segja ykkur vinir svolítið, ég vil segja ykkur, Tyler segir ekki frá, en hann er kærastinn minn.“
Staðfesti Smith þetta síðan á Twitter.
Yup @tylerthecreator I Told Everyone You Can’t Deny It Now.
— Jaden Smith (@officialjaden) November 12, 2018
Jaden er sonur leikarana Will Smith og Jada Pinkett-Smith, og síðustu mánuði hafa aðdáendur hans velt fyrir sér kynhneigð hans, sem söngvarinn ungi hefur nú tekið af allan vafa með.
