Verðlaunasúkkulaðið Caramel + Milk frá Omnom varð til fyrir ári síðan og er innblásið af litadýrð og gleði Hinsegin daga.

Súkkulaðið átti upprunalega einungis að vera til í takmörkuðu upplagi til styrktar Hinsegin dögum, en vegna gífurlegra vinsælda um heim allan fæst súkkulaðið nú allan ársins hring.

Caramel+ Milk er dökkt mjólkursúkkulaði með súkkulaðihúðuðum karamelluperlum og ef vel er athugað má finna keim af regnboga í hverjum einasta bita.

„Mannkynið er fjölbreytt og ekki síst litríkt og þannig varð Caramel + Milk til,“ segir Kjartan Gíslason súkkulaðigerðarmaður en Omnom hefur í rúmt ár stutt við Hinsegin daga.„Þetta súkkulaði er okkar leið til þess að styðja við réttindabaráttu hinsegin samfélagsins og munum við halda stuðningi okkar áfram.“

Allir sem kaupa Caramel + Milk í verslun Omnom og í vefverslun fá einnota einhyrningshúðflúr í kaupbæti sem er tilvalið í gleðigönguna næstkomandi. Þeir sem hafa áhuga á að fá sér einhyrninginn til frambúðar eru beðnir um að hafa samband við Omnom.

Omnom hvetur fólk að deila uppáhalds Caramel+ Milk myndinni sinni undir myllumerkinu #omnomchocolate