Elva Björk Ágústsdóttir, sálfræðikennari og umsjónarkona Poppsálarinnar skrifar:
Í febrúar árið 2018 sendi prinsessa af Dubai frá sér skilaboð þess efnis að hún væri að skipuleggja flótta frá heimalandi sínu. Hún hvarf stuttu seinna með aðstoð finnskrar vinkonu, en þær voru handsamaðar nokkrum dögum síðar á skútu rétt fyrir utan strendur Indlands. Lítið sem ekkert hefur spurst til prinsessunnar síðan.
Latifa bint Mohammed bin Rashid al-Matkoum er dóttir emírsins af Dubai, Sheik Mohammed bin Rashid al-Maktoum. Faðir Latifu er giftur sex konum og á 30 börn.
Eldri systir Latifu, Shasma, reyndi einnig að flýja konungsfjölskylduna á meðan hún var á ferðalagi um Bretland árið 2000. Þá var hún handsömuð út á götu í Cambridge og hefur ekki sést síðan, eða í rúmlega 20 ár. Dómsyfirvöld í Bretlandi hafa reynt að taka það mál fyrir en án árangurs.
Árið 2002, þegar Latifa var 16 ára reyndi hún fyrst að flýja Dubai. Hún var handtekin og sat inni í rúmlega þrjú ár. Hún gaf út myndband eftir þetta og sagðist hafa þurft að þola barsmíðar og mikla hörku.
Mál Latifu prinsessu vakti síðan heimsathygli árið 2018 þegar mannréttindasamtök birtu myndband af henni þar sem hún lýsti tilraunum sínum til að flýja frá Dubai. Myndbandið gerði hún sjálf og óskaði hún eftir því að það yrði birt ef hún lenti í einhverjum vandræðum.
Í Poppsálinni er farið yfir þetta mál og farsakenndu sögu af flótta hennar. Latifa lagði af stað á sjóskíðum frá Óman ásamt finnskri vinkonu sinni, Tiina Jauhiainen, undir lok febrúar mánaðar árið 2018. Þar á eftir fór hún um borð í skútu fransk/bandaríska skipstjórans Hervé Jaubert, skútan nefnist Nostromo. Í byrjun mars gufaði skútan upp á Indlandshafi, að því er virðist. Vitni fullyrða að vopnaðar sveitir hafi farið um borð í skútuna og tekið hana í sína vörslu. Þegar ekkert hafði spurst til Latifu í heila viku var upptaka sem hún hafði gert skömmu áður gerð opinber. Í henni greinir Latifa frá því að hún hafi haft áform um að flýja frá Dúbaí enda hafi hún sætt illri meðferð frá hendi föður síns.
Í myndbandinu segir hún „Sért þú að horfa á þetta myndband er það hið versta mál; ég er annaðhvort látin eða í mjög, mjög, mjög slæmri stöðu”.
Mannréttindasamtökin Detained í Dúbaí hafa haldið því fram að Latifa hafi haft samband við þau frá skútunni, þar sem hún óttaðist að hún yrði stöðvuð. Samtökin fullyrða að hún hafi sent þeim skilaboð eftir að vopnuðu sveitir ruddust um borð í skútuna og grátbeðið samtökin um hjálp. Eftir þessa flóttatilraun hefur ekkert spurst til Sjeiku Latifu og við höfum aðeins orð fjölskyldu hennar fyrir því að hún sé heil á húfi.
Mannréttindasamtök hafa óskað eftir upplýsingum um hvar prinsessunar sé að finna. Erfiðlega hefur gengið að fá einhvers konar sönnun fyrir því að Latifa sé á lífi. Í desember árið 2018 birtu yfirvöld í Dubai mjög óskýrar myndir af prinsessunni með Mary Robinson, sem var þá í forystu fyrir mannréttindastofnun SÞ, til að sýna að allt væri í lagi. Samkvæmt Mary Robinson var fundurinn skipulagður af einni af konum emírans, eða prinsessunni Haya.
Robinson ræddi við fjölmiðla um fund sinn við Latifu og segir að Latífa sé ung kona í miklum vanda sem sæi eftir myndböndum sínum um meinta nauðung og ofbeldi. Nokkru seinna reynir sjálf Haya prinsessa að flýja Dubai og eiginmann sinn, emírinn af Dubai. Haya hefur rædd um illa meðferð eiginmannsins og reynt að fá forræði yfir yngstu börnum þeirra. Mary Robinson hefur í kjölfarið beðist afsökunar á því hvernig hún tæklaði fund sinn með Hayu og Latfiu nokkru fyrr og segist sjá eftir því að hafa ekki reynt að frelsa Latifu.
Í nýjasta þætti Poppsálarinnar er fjallað um þetta sérkennilega mál. Farið er yfir farsakenndan flótta Latifu, skilaboð hennar til umheimsins og þau mistök sem Mary Robinson frá Sameinuðu þjóðunum taldi sig hafa gert þegar hún hitti Latifu. Einnig er fjallað um nýjustu vendingar í málinu þar sem nýlega birtust myndir af Latifu í verslunarmiðstöð og á veitingastað með vinkonum sínum. Þessar myndir birtast stuttu eftir kall frá mannréttindasamtökum um einhvers konar sönnun fyrir því að Latifa sé á lífi.
Hægt er að hlusta á þáttinn hér:
