Á sama tíma og forystufólk Evrópusambandsins er mjög jákvætt gagnvart framhaldi aðildarviðræðna Íslands við sambandið og gefur til kynna að ríkt tillit verði tekið til sérstöðu Íslands, ekki síst í sjávarútvegi, hamast Sjálfstæðisflokkurinn, Samtök fyrirtækja í sjávarútvegi og Morgunblaðið við að finna einstaka stjórnmálamenn í aðildarríkjum ESB og fá þá til að aftaka undanþágur með öllu. Þetta vinnur gegn hagsmunum Íslands. Sveinn Andri Sveinsson, hæstaréttarlögmaður, er gestur Ólafs Arnarsonar í hlaðvarpi Eyjunnar.
Hér er hægt að hlusta á brot úr þættinum:
Já, Evrópa. Það styttist í þjóðaratkvæðagreiðsluna 29. ágúst. Hvernig lestu stöðuna?
„Ég náttúrlega er eindreginn já-sinni. Og ég fæ síðan mikið af skilaboðum frá gömlum flokksfélögum mínum í Sjálfstæðisflokknum sem segja bara svona, en hafa hljótt um það að að sjálfsögðu segi ég já núna og svo áskilja þeir sér rétt til þess að segja nei þegar samningur er borinn undir atkvæði. Ég vil náttúrlega segja eins og er að það er afskaplega svona down to earth, þessi afstaða og skynsamleg.
Þessi leið sem er farin núna, andstæðingar Evrópusambandsaðildar hafa formælt þessari ákvörðun ríkisstjórnarinnar að efna til þessarar atkvæðagreiðslu. Samt var þessi aðferðafræði eitthvað sem Sjálfstæðisflokkurinn og Framsóknarflokkurinn lögðu til. Sigmundur Davíð lagði þetta til og sérstaklega mjög stoltur að leggja þetta til. Sjálfstæðisflokkurinn kom með þetta upplegg: Hafa þjóðaratkvæðagreiðslu um hvort ætti að fara í aðildarviðræður. Og síðan fara þá í aðildarviðræður eða ekki eftir því hvernig sú atkvæðagreiðsla færi. Alveg kostulegt að sjá þetta lið, hvernig það svona gersamlega hefur snúist um, gjörsamlega snúist við í þessari afstöðu. Og ég verð að segja eins og er, ég hef aldrei haft mikla trú á stjórnmálamönnum sem taka svona U-beygjur í svona mikilvægum lykilmálum. Þetta er svona svipað og Hannes Hólmsteinn væri í dag orðinn talsmaður þjóðnýtingar, þetta er svona álíka galið.
Það er margt svona sem maður sér í þessu sem er athyglisvert í þessari baráttu og hvernig menn svona einhvern veginn opinbera sjálfan sig. Núna er það þannig að þegar farið er af stað í þessa þjóðaratkvæðagreiðslu, að þá hafa fyrirsvarsmenn Evrópusambandsins, stækkunarstjórinn, sjávarútvegsstjórinn og ýmsir ráðandi menn þarna innan Evrópusambandsins, alveg án þess að samþykkja neitt eða neitt, skilurðu, bara tekið vel í þær hugmyndir sem sjá má í samningsmarkmiðum íslenskra stjórnvalda er lúta að því að Ísland hefði einhvers konar bara sjálfsforræði áfram yfir eigin mál. Eins og við vitum að þá náttúrlega er hið yfirþjóðlega vald Evrópusambandsins er fyrst og fremst hugsað til þess að stýra sameiginlegum málum sambandsins.
Það auðvitað gefur augaleið að það er skynsamlegt fyrir Spánverja, Ítali og Frakka sem einhverjir fiskistofnar ganga milli þeirra lögsaga, þá er auðvitað öll skynsemi sem mælir með því að það sé eitthvað yfirþjóðlegt miðlægt batterí sem ákveði um kvóta og stýringu á sameiginlegum fiskveiðistofnum.“
Þetta snýst bara um sjálfbærar fiskveiðar.
„Já, Íslendingar deila ekki neinum stofnum með Evrópusambandinu nema þá makrílnum og þar höfum við alltaf verið í samningaviðræðum við Norðmenn, Færeyinga og Evrópusambandið um þennan flökkustofn sem makrílstofninn er. En að öðru leyti er ekkert sem klagar upp á kryppuna á Evrópusambandinu að fara að stjórna einhverjum fiskveiðum við Íslandsstrendur. Það er einhver einn belgískur togari sem hefur haft veiðireynslu af því að Belgarnir samþykktu 200 mílna lögsöguna, það er allt og sumt.“
Já, og það er nánast fyrnt vegna þess að það er horft til 7-8 ára.
„Já, já. En það sem slær mig hvað verst í þessu er að á sama tíma og Evrópusambandið hefur haldið þessu opnu, og á sama tíma og það er auðvitað ljóst að það er ekki komin nein samningsniðurstaða um þetta, og hún kemur ekki nema að þjóðin samþykki þetta, að þá eru öfl hér á Íslandi, Sjálfstæðisflokkurinn, stjórnendur þar, Samtök fyrirtækja í sjávarútvegi, SFS, og fleiri með Morgunblaðið svona sem sitt málgagn og sitt verkfæri eru beinlínis að vinna gegn þessum samningsmarkmiðum Íslands, vinna gegn hagsmunum Íslands svona eins og einhverjar moldvörpur í óvinahernaði. Þetta er alveg furðulegt að fylgjast með fólki sem vill láta taka sig alvarlega þegar stjórnvöld hér segja: „Ja, við vonumst til þess að og höfum ágætis vonir um það og vilyrði fyrir því að okkur muni takast að semja um sjávarútvegsmálin með varanlegum lausnum.“ Þá er þetta lið að hafa samband við einhverja sem þeir vita að eru á móti þessu til þess að reyna að fá frá þeim: „Já, nei, nei, þetta verður aldrei samþykkt.“
Auðvitað er þetta þannig að Evrópusambandið er náttúrulega gríðarlega stórt, mörg ríki og margir flokkar og margs konar hagsmunir. Og að sjálfsögðu, þegar samningur eftir atvikum getur legið á borðinu við Ísland, þá mun mönnum sýnast sitthvað um samninginn. En það að íslenskir hagsmunaaðilar séu að reyna að móbilisera og einhvern veginn svona æsa upp í Evrópu einhverja andstöðu við aðild Íslands, andstöðu við samninga við Ísland, er náttúrlega í mínum huga bara hálfgerð svik.
Mjög vægt til orða tekið, ég vil ekki nota sterk orð eins og landráð, bara svik og það allt saman. En þetta er mjög undarleg hegðun að hagsmunaaðilar í sjávarútvegi og flokkur, Sjálfstæðisflokkurinn og Morgunblaðið, séu að ganga gegn hagsmunum Íslands þegar kemur að væntanlegum og vonandi góðum samningum við Evrópusambandið.“
Hægt er að hlusta á hlaðvarpið í heild sinni hér:
Einnig er hægt að hlusta á Spotify.
