fbpx
Laugardagur 28.janúar 2023
Eyjan

Nýjar ásakanir á hendur umdeildum þingmanni – Sagður hafa stolið peningum frá hundi

Kristján Kristjánsson
Fimmtudaginn 19. janúar 2023 08:15

George Santos. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Bandaríski þingmaðurinn George Santos, sem er þingmaður Repúblikana í fulltrúadeild Bandaríkjaþings, hefur verið í sviðsljósinu að undanförnu eftir að skýrt var frá því að hann hefði logið á ferilskrá sinni.

Fyrir aðeins tveimur mánuðum var hann hylltur fyrir að hafa borið sigur úr býtum í kosningunum í kjördæmi í New York sem Demókratar hafa alltaf haft góð tök á.

En eftir sigurinn byrjaði að molna undan honum. Lögreglan er að rannsaka mál tengd honum en hann er sakaður um að hafa logið til um trú sína, menntun, atvinnu og meira að segja dauða móður sinnar.

Nú hefur enn eitt málið bæst við þennan lista. Hann er sakaður um að hafa stolið peningum frá hundi.

Tveir uppgjafahermenn settu sig í samband við hann árið 2016 og báðu hann um aðstoð við að safna peningum fyrir dauðvona hund. Þeir áttu hins vegar ekki von á að Santon myndi stinga af með peningana en það var samt það sem gerðist að þeirra sögn. Þetta sögðu þeir í samtali við CNN.

Þegar Sapphire, hundur Rich Osthoff, greindist með æxli 2015 bjuggu Sapphire og Osthoff í tjaldi en Osthoff hafði misst vinnuna og endað á götunni. Vinur hans Michael Boll, sem er forsvarsmaður tengslanets uppgjafahermanna í New Jersey, lagði til að hann myndi setja sig í samband við Santos sem hafði orð á sér fyrir að hafa oft hjálpað dýrum í nauð.

Santos sagðist vilja hjálpa þeim og hratt fjársöfnun af stað til að hægt væri að gera aðgerð á Sapphire.

Osthoff segir að rúmlega 3.000 dollarar hafi safnast en hvorki hann né Sapphire sáu nokkru sinni svo mikið sem eitt cent af þessum peningum. Þeir hurfu að þeirra sögn í vasa Santos. Sex mánuðum síðar drapst Sapphire.

GoFundMe söfnunarsíðan staðfesti við CNN að tilkynning hafi borist 2016 um að gefendur hefðu verið sviknir í umræddri söfnun og því hefði verið lokað fyrir hana.

Santos vísar þessum ásökunum á bug og segir þær „uppspuna“.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Kosning um verkfall hefst á morgun – Nær til starfsstöðva Íslandshótela á félagsvæði Eflingar

Kosning um verkfall hefst á morgun – Nær til starfsstöðva Íslandshótela á félagsvæði Eflingar
Eyjan
Fyrir 5 dögum

Þessu tapa Eflingarfélagar á því að missa möguleikann á afturvirkum kjarasamningi

Þessu tapa Eflingarfélagar á því að missa möguleikann á afturvirkum kjarasamningi
Eyjan
Fyrir 1 viku

Björn Leví: „Það ætti að hringja öll­um viðvör­un­ar­bjöll­um“

Björn Leví: „Það ætti að hringja öll­um viðvör­un­ar­bjöll­um“
Eyjan
Fyrir 1 viku

Simmi Vill segir að svona sé hægt að sporna gegn frekari verðbólgu á Íslandi

Simmi Vill segir að svona sé hægt að sporna gegn frekari verðbólgu á Íslandi
Eyjan
Fyrir 1 viku

Jacinda Ardern segir af sér embætti forsætisráðherra

Jacinda Ardern segir af sér embætti forsætisráðherra
Eyjan
Fyrir 1 viku

„Hafa viðlíka svik sést í sögu verkalýðsbaráttu á þessu landi?“

„Hafa viðlíka svik sést í sögu verkalýðsbaráttu á þessu landi?“